Juan 20:15 - Nuevo Testamento Toba Maskoy

¹⁵ Lhna lhta aptemak apkanemo: —Ngkelvana, ¿se lha ntak akveno nak ke, se lha enenlhet atamo nak ke? —lhna lhta aptemak ma'a. Koka lhna lhta ntemak atemmoiangka: —Lheiap kelha apsekhak Apveske ehenkok aphapak, heltennes no ko la apekkanveianlha' kakpota avakhak ko'o —lhna lhta ntemak ma'a. Mang na lhta nkoihamok mokhom Jesús noka nhan niekhe m'a, lhna lhtelha nkanemak enenlhet aptaqmelkeskama aniep ma'a.

Juan 20:15 Iomraidhean Croise

Marcos 16:6

lhnak aptemak apkellanemo apketkok nak ma'a: —Manghellaga, Jesús ko Nazaret nkelketamak ketlhengka, apketsepma lhta neten iamet aktenneskama. Mamma hengke'e, aplhatekhangvakmek lhek ma'a. ¡Kollanhono hengke'e, ka akietnakha lhta aphapak Jesús hengke'e!

Lucas 24:5

Nkelmenaiangkek nak ngkelvana'ak ma'a ka alteklheiangko lhnak atapno'ok lhepop ma'a akvakho alteklheio nhan naqta'a lhepop, koka enenlhet nak ma'a lhnak aptaiangkok apkellanemo: —Molelianva Jesús hengke'e apieseksek anak apkeletsepma, aplhatekhangvakmek lhek ma'a. Kotlheianvakho no av'alho'ok aptakha lhta apaivoma akieto ma'a iokhalhma Galilea.

Juan 1:38

Ka apengkakpo lhta Jesús neksa aplhengama m'a, apvet'o lhta apkelieplokmo m'a, lhta aptak: —¿Se pteniangko ie, he? —lhta aptak. —Hengetlhekmoskama, ¿ko la akieto apnemakha? —lhta aptangkok ma'a.

Juan 18:4

Neksa apkelvetai'a lhta Jesús apketlheiam ma'a, apkellanielhangko lhta m'a, apiave lhta nhan apkenmak'akha etnangkok, lhta aptak apkelelmalhnengka: —¿Se lha enenlhet apkelketamo ie, he? —lhta aptak ma'a.

Juan 18:7

Ka apkelelmalhnengka lhta mokhom Jesús, lhta aptak: —¿Se lha enenlhet apkelketamo ie, he? —Jesús ko Nazaret —lhta aptangkok mokhom apkellatemmongka m'a.

Juan 20:13

Lhna lhta aptaiangkok apkellanemo: —Ngkelvana, ¿se lha ntak akveno nak ke, he? —lhna lhta aptaiangkok. Ka atemmoiangka lhna lhta ma'a: —Nnek akvo'o aphapak Apveske ehenkok, moihok aknakha akpekkanvanlha' —lhna lhta ntemak ma'a.