Juan 2:18 - Nuevo Testamento Toba Maskoy

¹⁸ Netamen ma'a apkelemhama apmaniaie' judios apkelelmalhnengka lhta Jesús, lhta aptangkok apkellano: —¿Selha akto aptonak lheiap hengka ie, he? ¡Ngva'! Elana no qaselha mongenatkeskama kakpota hengelvetaskesek apientalhnemo lheiap aptakha lhkek apkelentepkaso enenlhet'avok Eniapom Neten apnemakha lhkek —lhta aptangkok ma'a.

Juan 2:18 Iomraidhean Croise

Marcos 8:11

Apkelvekhek nak na Fariseos ma'a, apkellatemmommakpek nak Jesús. Ka apkeleltemo lhnak elanak qaselha mongenatkeskama m'a kakpota eltemeskesek iokhalhmek ankek apkeniem'o Eniapom Neten, koka apkeleltemavek na niekhe eliepkonek Jesús ma'a.

Lucas 11:29

Apvakhengvai'ak nak enenlhet apentalhnema napokhav'ak Jesús ma'a, lhnak aptemak Jesús apkellanemo: —Ngkollatsekama apkellanekamok enenlhet apkaktengaikamok nenvanlha nak, vanlha mota apkenmahai'a elvetak qaselha mongenatkeskama. Koka vanlha toka elvetak ma'a qaselha mongenatkeskama aktemo lhnak nanek apkaniemhaikama Jonás.

Juan 1:19

Apkelanma apmaniaie ko Jerusalen apkellapaso lhta sacerdotes kakpota nhan levitas kakpota elelmalhnengvomok Juan. Apkenmahai'a eliohok aptemakha m'a, ka apkatemmongka lhta iokhalhme kankek Juan ma'a, lhta aptak: —Have ko'o asto Cristo —lhta aptak.

Juan 1:25

lhta aptangkok mokhom apkellanemo Juan: —Have nak lheiap Cristo, have nhan Elias, have nhan apkeltennaskamo ania'a apankok aplheianmo lhnak nanek eniapaksek Eniapom Neten lheiap. ¿Sok aktemo apkellavkesaiangko na mota iemmen enenlhet ke, he? —lhta aptangkok.

Juan 6:30

Lhta aptangkok mokhom enenlhet apkellano Jesús: —Elana no qaselha mongenatkeskama kakpota mangeliaskamek ennengko'o lheiap.

Hechos 4:7

Apkeleltemo lhnak ngkolhek aliantemantamo Pedro kakpota nhan Juan napaqtavek m'a, ka apkelelmalhneiangka lhnak ma'a, lhnak aptaiangkok: —¿Se lha allaikamok apkelientalhnemo ketlhengkap kakpota ellanak qaselha hempelapkeskama nak, he? —lhna aptaiangkok ma'a.

Hechos 5:28

—¡Nellaske lhta niekhe ketlhengkap sekhe lhta metlhekmosangkek mokhom ania'a etlhenek apvesai'a m'a enenlhet alhta, koka manghengeleliehekhok ma'a! Apkeleltennasema koka mokhom ania'a lhamakho akieto Jerusalen, hengetlhenke lhta nhan ennengko'o nengelelto neliankenkeskama ema apankok ma'a enenlhet alhta —lhna aptemak.