Juan 2:13 - Nuevo Testamento Toba Maskoy

¹³ Ketse lhta nkaimelhkak aknem apanko'ok judios aktaqmelaikama lhma akvesai'a Pascua, ka apmeiakho lhta Jesús akieto Jerusalen.

Juan 2:13 Iomraidhean Croise

Marcos 11:15

Ka apkelvekho lhnak mokhom Jerusalen ma'a, aptalhnengvekho lhnak Jesús konne Eniapom Neten apnemakha mokhom ma'a. Apkelentepkeskamo lhnak na enenlhet'avok apkenmaikamok qaselha kakpota nhan apkelhaikamok qaselhaha. Apkeliaqnengkeskamo lhnak asota apanko'ok enenlhet apkeliaqmongkasekha mo'ok patakkom po'ok enenlhet la apanko'ok, kakpota nhan iamet aiseksek konemmaktek aplhano'ok apkelhammap apkeliaqnengkeskamak na Jesús ma'a.

Lucas 19:45

Netamen aptalhnemo lhnak Jesús Eniapom Neten apnemakha m'a, apkelentepkeskamo lhnak enenlhet apkelhaikamok qaselha apanko'ok apteniaikamok patakkom,

Lucas 2:41

Anmeiekho lhna mota ngkana'ak Jesús lhamakho iantelhkapa apiav'akha temma Jerusalen, alioiam aktaqmelaikama lhma akvesai'a Pascua.

Juan 11:55

Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 2:23

Apne lhta Jesús ma'a aktaqmelaikama lhma Pascua m'a Jerusalen, ma lhta eliaskakmok enenlhet ngkanek apkelvet'a lhta qaselha mongenatkeskama apkellanai'a m'a.

Juan 5:1

Netamen alhta m'a apmeiakho lhta Jesús akieto natemma Jerusalen kakpota epasengvomok aktaqmelaikama lhma judios apanko'ok ma'a.