Juan 2:11 - Nuevo Testamento Toba Maskoy

¹¹ Ka heng ampai'akhasekha lhta Jesús apkelanai'a qaselha mongenatkeskama kakpota elvetaskesek akietnema apmopvana. Ma lhta eliaskakmok apkeltamesaikamok ma'a.

Juan 2:11 Iomraidhean Croise

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 1:43

Lhema aknem na ntemak akiekai'a m'a, Jesús apmahai'o lhnak eniakhak iokhalhma Galilea, apvetai'o lhnak Felipe m'a, lhna aptemak apkanemo: —¡Nok, heieplakha! —lhna aptemak.

Juan 1:50

Koka lhna aptemak Jesús apkanemo: —¿Se kto mei'askakmok lheiap ke, he? ¿Aniem'o kelha nhan askeltennaskama lhkek asvetai'a koneng iamet higuera, he? Koka nkolhamongvomok hata qaselha akiemaskama apvalhok lheiap apvetai'a —lhna aptemak.

Juan 10:41

Ma lhta ntek enenlhet apkelioiam apmahai'a elvetak Jesús ma'a, alhta aptangkok apkelpaqmetkesakpo mok apankavek ma'a: —Ma lhta ellanai'ak Juan qaselha mongenatkeskama, koka aplheianme lhta mota apvesai'a Jesús ma'a have nha niapa ntemak ma' —lhta aptangkok enenlhet.

Juan 11:15

ntase ko molhnemo m'a apketsepakha nak Lazaro kakpota meliaskamek ketlhengkap. ¡Nok apnakha Lazaro! —lhta aptak.

Juan 11:47

Ka apkaknekho lhna lhta apkelemhama apmaniaie' sacerdotes, Fariseos, kakpota nhan apkelveskaie apkelientalhnemo m'a, lhna lhta aptaiangkok: —¿Ko la antemeskesek enenlhet anak ma'a, he? Nlhanie ntak apkellanai'a qaselha mongenatkeskama.

Juan 12:18

Lhta ngkanek apkeltaniakmo enenlhet'avok apkenmangko takha Jesús ma'a ngkanek apkeliave lhta qaselha mongenatkeskama apkelanai'a.

Juan 12:37

Ma lhta ntek apkellanai'a qaselha mongenatkeskama Jesús napaqtavek enenlhet'avok ma'a, nheklhek koka apkeliaskeiam ma'a.

Juan 12:41

Aplheianmo lhnak nanek Isaias annenga Jesús ma'a aniem'o apvetai'a apaqtek apmanie' Jesús, ngkoitek hata apmopvana.

Juan 14:13

Elelmalhnama ta akieplomo asvesai'a nak apkeleltakha la qaselha, allangkok hata ko'o, netamen enenlhet'avok anak eliavenkaskesama ta nhan apvesai'a Eniapom aniem'o aptakha apkelanai'a Apketka.

Juan 16:27

Apkellamelakmek Eniapom ketlhengkap ngkanek hellasekhai'o na ketlhengkap, meliaskeiakmok na apto Eniapom Neten heiapaskama lhta.

Juan 16:30

Mankaimelhkak angelelmalhnekho kakpota elpeivesekhak lheiap, apiavek lhamakho qaselha lheiap ka ngkanek mongeliaskamek lheiap apto Eniapom Neten apkapaskama —lhta aptangkok.

Juan 2:1

Hanetolhem'a aknem alhta ntak akiekai'a m'a, ka akmeiakho lhta Jesús angken na temma Cana akieto iokhalhma Galilea kakpota nkopasengvomok aliemhapma m'a.

Juan 2:23

Apne lhta Jesús ma'a aktaqmelaikama lhma Pascua m'a Jerusalen, ma lhta eliaskakmok enenlhet ngkanek apkelvet'a lhta qaselha mongenatkeskama apkellanai'a m'a.

Juan 4:3

Lhta ngkanek asongkek etiepok Jesús iokhalhma Judea m'a, aptaqho lhta neptamen akieto iokhalhma Galilea,

Juan 4:46

Ka apkempakho lhta mokhom Jesús aplhengama, apvakho lhta na temma Cana akieto Galilea, aptemeskasekhelha lhta nhan iemmen vino m'a. Aplomaka lhta m'a lhema capitan apkennengkasekama apiav'akha apveske, akmaska apiempek alhta apketka akieto m'a na temma Capernaum.

Juan 4:54

Koka heng hanet alhta ntak apkellanai'a Jesús qaselha mongenatkeskama akieto m'a Galilea neksa aptaqhemo Judea.

Juan 5:23

Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Juan 6:14

Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 6:2

Ma lhta ntek enenlhet apkelieplekha m'a ngkanek apkelvetai'ak aklhamakma qaselha mongenatkeskama apkellanai'a m'a. Apkeltakmelkeskaiam na enenlhet anmaska apiempeiok ma'a.

Juan 6:26

Koka lhta aptak Jesús apkellatemmongka m'a: —Helketangke mota ketlhengkap ngkanek askellangke lhta aptekamok akvakmo apkeliaqkanakmo lhta, koka meliamok mokhom aktemakha aklheianma m'a qaselha mongenatkeskama askelanai'a nak ko'o.

Juan 6:30

Lhta aptangkok mokhom enenlhet apkellano Jesús: —Elana no qaselha mongenatkeskama kakpota mangeliaskamek ennengko'o lheiap.

Juan 7:31

Koka ma lhta nha ntek enenlhet meliaskeiam Jesús ma'a, lhta aptangkok: —Hai', Cristo ham, ellanhono lhamakho qaselha mongenatkeskama apkellanai'a mota ham, eliangvomho koka —lhta aptangkok ma'a.

Juan 9:16

Koka lhna lhta aptaiangkok moklhem'a fariseos: —Enenlhet apto aptaqmelkasekha nak lheiap have Eniapom Neten apkapaskama, meliahakhok henganemakha' enganko'ok anak, meliahakhok na aknem nennekhelha sabado —lhna lhta aptaiangkok ma'a. Koka aplhamakha fariseos lhna lhta aptaiangkok ma'a: —Tokha nlho ka Eniapom Neten apkapaskama m'a, sok akto apkelan'o nak qaselha mongenatkeskama, ka enenlhet la apkelanai'a ngkolatsekama mankapvankek elanak ma'a —lhna lhta aptaiangkok ma'a. Mang na lhta nkolhnemok mo'ok apvalho'ok fariseos ma'a,

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

1 Juan 5:13

Hai', lhamakho aktemakha asnaktalheskeskama nak ketlhengkap apkellelto nak meliaskeiam apvesai'a Eniapom Neten Apketka, kakpota eliangvomhok aknaikamok aliennaktema apnenio'ok mankotnengvaianlha nnelha.