Juan 19:42 - Nuevo Testamento Toba Maskoy

⁴² Ka apkellaklhengkeskekho lhna lhta Jesús aphapak ma'a, ngkanek nengaqtek ma'a, ketse lhta nhan nkaimelhkak aknem sabado neniamposammalhkelha apkeltemakha lhta mota judios ma'a.

Juan 19:42 Iomraidhean Croise

Juan 19:14

Malha lhta nha ntak katelho m'a, lhema aknem alhta nhan nkaimelhkak akvaianlha Pascua, lhta aptak apkellano judios: —¡Ka apiav'akha apveske apanko'ok anak ketlhengkap hengke'e! —lhta aptak.

Juan 19:31

Lhema aknem alhta nkaimelhkak kakpota nkovak aknem sabado nennekhelha, aktaqmelaikama lhma Pascua m'a, apkenmeiakhe lhta apnakha Pilato apkelemhama apmaniaie judios apkeleltemo lhna lhta ngkolhek alentaso apelhkapko'ok apkellelto nema aliaqlhaklhema apmeio'ok apmankok kakpota eletsepok kolhvavek ankek ma'a, elel·hatsoskakhak na aphapavok kakpota melvetiep enenlhet neksa aktaqmelaikama lhma m'a.

Juan 19:41

Akietemelha lhta apketsepmakha Jesús ma'a nietnengke lhta nhan aniep atkok kanhan alanmakha iamet nentoma akielhna, kakpota nhan lhema nemakha akpekkanveianlha enghapak alhnankok metka nema akmaikama.

Hechos 13:29

Ka apkellaqhemo lhta nhan ma'a, ngvai'ak aknem aktemakha lhnak nanek apnaktalheskama apkeleltennasemmap ania'a. Netamen ma'a nemo nhan aklekvekho aphapak neten iamet aktenneskama, nemo nhan aklhengkeskaiakmo aphapak nemakha aklhengkeskaianlha enghapak.

1 Corintios 15:4

Nnengkek nak aklhengkeskaiakmo nhan metaimong alhva aphapak ma'a, nemo nhan aklhatekhaskeiakmo neksa apketsepma m'a akvakmo hanetolhem'a aknem, ka ntemak ma'a aklheianma Eniapom Neten Apaivoma.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.