Juan 19:4 - Nuevo Testamento Toba Maskoy

⁴ Ka aptepakho lhta mokhom Pilato konne pa'at akiavai'a m'a, lhta aptak apkellano apkellelto apkeliantemaiam Jesús: —Mota'ak ko'o apkelanai'a ngkolatsekama enenlhet lhek ha'e —lhta aptak Pilato.

Juan 19:4 Iomraidhean Croise

Lucas 23:4

Lhna aptemak Pilato apkanemo apveske sacerdotes kakpota nhan enenlhet'avok ma'a: —Mamma aptemakha meihamolhma apkelanai'a hengke'e enenlhet anak —lhna aptemak.

Lucas 23:41

Mamma aptemengveiakmo lhma' enenlhet anak, ennengko'o koka have niapak nellanekamok ngkollatsekama, nietave ngkolhek akiaqmongkasakho neltemakha akiavai'a nellengaiangko —lhna aptemak ma'a.

Lucas 23:47

Apvetai'o lhnak capitan Romano m'a, apiavenkaskesaiangka lhnak apvesai'a Eniapom Neten, lhna aptemak: —Have na niapak enenlhet anak mamma aptemengveiakmo lhma —lhna aptemak.

Juan 18:33

Ka aptalhnakho lhta mokhom Pilato av'alhok pa'at, apkavengka lhta Jesús ma'a, lhna aptemak: —¿Lheiap anlho niekhe apiav'akha apveske judios apanko'ok, he? —lhna lhta aptemak Pilato.

Juan 18:38

Ka apkelmalhneiangka lhna lhta mokhom Pilato: —¿Se lha akvesai'a have niapak ankek ke, he? —lhna lhta aptemak. Ka aptepakho lhta mokhom Pilato av'alhok pa'at, lhta aptak apkellano judios: —Mamma lhkek aptemakha ngkolatsekama enenlhet lhek ha'e.

Juan 19:6

Neksa apkelvetai'a lhta Jesús ma'a apkelemhama apmaniaie sacerdotes kakpota nhan apkellanekama Eniapom Neten apnemakha, kolhvavek anke lhta apkelelpalhnema m'a apkelvenengka nhan, lhta aptangkok: —¡Eliaqlha apmeiok apmankok neten iamet aktenneskama! —lhta aptangkok. Koka lhta aptak Pilato apkellano: —Ma', mamma apselhnanemmap hengke'e enenlhet anak. Ia', eliaqlhamo ta apankave apmeiok apmanko'ok ketlhengkap —lhta aptak Pilato.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

1 Pedro 1:19

koka apianmongkeskamak ma'a ema apankok aknema akmovana Cristo, nemo lhta angkongvaiakmo kakpota ematong malha aktemo nak nepkesek apketkok la'a metka nkek apiaqteikamaha.

1 Pedro 2:22

Mamma lhta aptemengveiakmo lhma Cristo, mamma nhan apiennengkeskama la po'ok.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Juan 3:5

Apkeliavek ketlhengkap Jesucristo apvai'o lhta hengke'e kakpota hengel·hatsoskasangkok ngkollatsekama malha nelpatmekama ennengko'o, kanhan mamma nke lhta apkelanai'a la ngkollatsekama m'a.