Juan 19:28 - Nuevo Testamento Toba Maskoy

²⁸ Apiave lhta Jesús apeneskama lhamakho aktemakha apmakmekama, lhta aptak: —Knem heiaqhak —lhta aptak ma'a. Koka ngvai'ak ma'a aktemakha lhnak nanek aklheianma Eniapom Neten apaivoma aktalhesammalhka.

Juan 19:28 Iomraidhean Croise

Lucas 12:50

Malha ta ngkotnek na knema helavkeskekha aiseksek akientalhnakha neksa askaniemhaikama, avanhek aslengaiangko kolhvave nak akvakmo ta m'a aktakha nnelha.

Lucas 18:31

Apkankesekhek nak Jesús 12 apkeltamesaikamok mok apankavek ma'a, lhna aptemak apkellanemo: —Nenmeiakhek kolhva Jerusalen, hata ngkotalhkak ma'a akientalhnema apketlheianmo lhnak nanek apkeleltennasemmap ania'a annenga aktemakha ta apiaihekama Enenlhet Apketka nak.

Lucas 22:37

Helheianmek ko'o Eniapom Neten apaivoma ntemak hengke'e: «Nne lhta aktemeskeso malha enenlhet meihamolhma», ntemak ma'a. Haveniapak ankek ngkotnek hata kolhvave nak asiaihekama —lhna aptemak Jesús.

Lucas 9:31

Apkellapommatmek nak na m'a, apkelpaqmetkesammakpek nak na m'a Jesús akmak'akha ta ngkotnek apvetai'a m'a, enietsepok hata m'a na temma Jerusalen.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 17:4

Askelvetaskaskek aknema apmopvana lheiap hengke'e nalhepop anak napaqtavek enenlhet'avok, aspeneskek na apkeltemo lhta alanak lheiap.

Juan 18:4

Neksa apkelvetai'a lhta Jesús apketlheiam ma'a, apkellanielhangko lhta m'a, apiave lhta nhan apkenmak'akha etnangkok, lhta aptak apkelelmalhnengka: —¿Se lha enenlhet apkelketamo ie, he? —lhta aptak ma'a.

Juan 19:24

Lhta aptangkok apkelpaqmetkesakpo mok apankavek ma'a: —Mongeliaptanke ta hengke'e, ntase ta annaktevasangkok nennaqtevaskama nemmapseive' kakpota apto apnaqsepma, esakhak ma'a —lhta aptangkok ma'a. Ngvakme lhta aknem aktemakha lhnak na nek aklheianma Eniapom Neten apaivoma vakkahak, lhnak nane ntemak: «Apkennaskesakpek askelentalhnema, apnaqtevasengkek na nennaqtevaskama nemmapseive' askaqlammalhka» lhna ntemak.

Juan 19:36

Koka aktemakha lhta akvetammalhka qaselha m'a ntemengkek aklheianmo lhnak nanek Eniapom Neten apaivoma ngkotnek hata m'a, lhnak nane ntemak: «Mankolhe ta alentaso apelhkapkok ma'a» lhna ntemak.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Hechos 13:29

Ka apkellaqhemo lhta nhan ma'a, ngvai'ak aknem aktemakha lhnak nanek apnaktalheskama apkeleltennasemmap ania'a. Netamen ma'a nemo nhan aklekvekho aphapak neten iamet aktenneskama, nemo nhan aklhengkeskaiakmo aphapak nemakha aklhengkeskaianlha enghapak.