Juan 18:8 - Nuevo Testamento Toba Maskoy

⁸ Koka lhta aptak mokhom Jesús: —Askeleltennaskek lhaiek ko'o hengke'e, hata helpatheto ta ko'o, ellangko ta eltaqhok asketlhelhma'ak anak —lhta aptak.

Juan 18:8 Iomraidhean Croise

Juan 10:28

Askellangkek na apkeliennaktema mankotnengvaianlha nnelha, meletsepek hata, mangkolhek na heleiveskesko'o m'a,

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 13:36

Netamen Simon Pedro apkenmalhnengka lhta Jesús, lhta aptak: —Apveske, ¿ko la apmak'akha emhangkok lheiap, he? —lhta aptak. Ka apkatemmongka lhta Jesús, lhta aptak: —Mankapvankek heieplakhak lheiap kolhvave nak asmak'akha nak amhangkok, alhaiek hata nhan emhangkok lheiap ma'a —lhta aptak Jesús.

Juan 16:32

Have niapak ankek ngva'ak kolhvave nak enieniangkok hata ketlhengkap. Enielhpaqnekha ta nhan, helieniekhak hata elhepkennenga. Koka molhek hata elhepke, Eniapom hato ka alhelhma m'a.

Juan 18:7

Ka apkelelmalhnengka lhta mokhom Jesús, lhta aptak: —¿Se lha enenlhet apkelketamo ie, he? —Jesús ko Nazaret —lhta aptangkok mokhom apkellatemmongka m'a.

Juan 18:9

Ngvakme lhta aptemo lhta apaivoma Jesús, lhta aptemak: —Eniapom, mamma lhema aplheneiam apkellelto lhta hellaikamok lheiap —lhta aptak ma'a.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

2 Corintios 12:9

koka heiatemmoma lhta Apveske, lhta aptak: —¡Nietnek askameliam lheiap, vanlha ham! Nkanek asmopvana niennakteskek lheiap neksa meiennaktema la'a —lhta aptak Apveske heiano m'a. Ka nkanek anmalhko mota evalhok neksa moiennaktema nkanek Cristo heiangkok apmopvana kakpota aiephongvomhok neksa akvai'a la akientalhnema.

Efesios 5:25

Ketlhengkap aknema nak apnaqteiangka'a ntasek ellamelemma mota apnaqteiangka'a, nnavek na Cristo apkamelaiakmek na m'a iglesia nak, apkaiangkave panke lhta m'a kakpota nkotaqmelek ma'a.

1 Pedro 5:7

Ellangkongvakha ta Eniapom Neten altaikama nak apvalho'ok ngkanek apkelpasme mota m'a.