Juan 18:33 - Nuevo Testamento Toba Maskoy

³³ Ka aptalhnakho lhta mokhom Pilato av'alhok pa'at, apkavengka lhta Jesús ma'a, lhna aptemak: —¿Lheiap anlho niekhe apiav'akha apveske judios apanko'ok, he? —lhna lhta aptemak Pilato.

Juan 18:33 Iomraidhean Croise

Marcos 15:2

Netamen apkenmalhneiangka lhnak Pilato Jesús ma'a, lhna aptemak: —¿Have nlho niapak lheiap apiav'akha apveske apanko'ok judios, he? —lhna aptemak. —Aplhengkek lheiap —lhna aptemak Jesús ma'a.

Lucas 23:2

Apkeleltennaskamo lhnak meihamolhma Jesús napaqtek Pilato m'a, lhna aptaiangkok: —Apveske, nelvet'a lhta ennengko'o enenlhet anak apkeliaseiangko lhma' enenlhet'avok kakpota melianmonkesek impuesto ankok anak Roma, kakpota nhan aplhenammakpe panke apto Cristo kanhan apiav'akha apveske —lhna aptaiangkok ma'a.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 12:13

Kolhvavek anke lhta nhan apkeliaqtemenangkok alha ava' m'a, apkelentepke lhta na temma enenlhet'avok apkeltaniakme lhta m'a, apkelvenema lhta nhan, lhta aptangkok: —¡Hosana, ntasek anko ie, eletsevasoho, nema aktaqmelkeskeskama apkaniemhaikama hengke'e aplhekmo nak apkapaskama Apveske, apto nhan apiav'akha Apveske apanko'ok israel! —lhta aptangkok ma'a.

Juan 12:15

«Mellaga nko ie atkak Sion, aplhekmek apveske apanko'ok, apkanantema malekka tkok», lhnak nane ntemak ma'a.

Juan 18:34

Koka lhna lhta aptemak apkatemmoiangka Jesús: —¿Se lha altennaskama lheiap maie, nlho ka la aplheianma pankek lheiap, he? —lhna lhta aptemak.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 18:38

Ka apkelmalhneiangka lhna lhta mokhom Pilato: —¿Se lha akvesai'a have niapak ankek ke, he? —lhna lhta aptemak. Ka aptepakho lhta mokhom Pilato av'alhok pa'at, lhta aptak apkellano judios: —Mamma lhkek aptemakha ngkolatsekama enenlhet lhek ha'e.

Juan 19:12

Netamen apkeliaikama lhna lhta Pilato kakpota epaqnemekhak Jesús ma'a, koka niangvakmek alhta apkeliaskama apatno'ok enenlhet'avok ma'a, lhta aptangkok: —Ka apaknemakho la lheiap ham, eniammelhekhak kelhaha apiav'akha apveske Roma, ngkanek Jesús elekkasekhak hata aptema apiav'akha apveske m'a kakpota eniammelhekhak ma'a —lhta aptangkok.

Juan 19:3

ka apkelvannaiangka lhna lhta nhan ma'a, lhna lhta aptaiangkok: —¡Aptasek noka niekhe apiav'akha apveske apanko'ok judios! —lhna lhta aptaiangkok. Apkeltekpoiangka lhna lhta nhan apmalhempenek ma'a.

Juan 19:4

Ka aptepakho lhta mokhom Pilato konne pa'at akiavai'a m'a, lhta aptak apkellano apkellelto apkeliantemaiam Jesús: —Mota'ak ko'o apkelanai'a ngkolatsekama enenlhet lhek ha'e —lhta aptak Pilato.

Juan 19:9

ka apkelto lhta ngkolhek aktalhnesakho mokhom konne pa'at Jesús ma'a, ka apkenmalhneiangka lhna lhta mokhom ma'a, lhna lhta aptemak apkanemo Jesús: —¿Ko la apkeniem'akha lheiap, he? Mang na lhtoka eniatemmoikama Jesús ma'a.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,