Juan 18:32 - Nuevo Testamento Toba Maskoy

³² Nietemavek lhta nhan aktemakha lhta aplheianma Jesús enietsepok apkeltemakha mota romanos.

Juan 18:32 Iomraidhean Croise

Marcos 10:33

—Ellailhono, ka nenmeiakhelha nak Jerusalen, ngkolhek hata angkongvakmo Enenlhet Apketka nak apkelemhama apmaniaie' sacerdotes kakpota nhan escribas. Etlhenekha ta nhan apkenmahai'a ennapok ma'a, ellangkongvomok hata nhan ma'a metnangko nak judios.

Juan 10:31

Apkellavke lhta apkelemhama apmaniaie judios apkelleng'o m'a, nketlhengkaske lhta elienhek metaimong Jesús ma'a.

Juan 10:33

Ka apkellatemmongka lhta enenlhet'avok ma'a, lhta aptangkok: —Mongellelto ennengko'o angennapok aniem'o altaqmelo la qaselha sekhe lhta apkelanai'a, nengeltavek angellaqhek lheiap ngkanek aplhenakpe mota apankek apnemo Eniapom Neten, enenlhet apankek lheiap, aptevaskek na apvesai'a Eniapom Neten —lhta aptangkok.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 18:31

Koka lhta aptak Pilato apkellano m'a: —Eliekpelkok koka aptemakha apankek ham akieplomo ley apanko'ok anak ketlhengkap, eliantemekha —lhta aptak. Koka lhta aptangkok mokhom apkelemhama apmaniaie judios: —Ketlhengkap romanos manghengellaiangko angaqhek emmo'ok —lhta aptangkok.

Juan 21:19

Apenesave lhta apaivoma Jesús akmak'akha ta ngkotnek apketsepma Pedro kakpota elvetaskesek enenlhet'avok aptemakha apieplekama metka apiamasangveiam Eniapom Neten ma'a. Netamen alhta m'a, lhta aptak mokhom Jesús apkano Pedro: —Heieplomaha —lhta aptak.

Juan 3:14

Ka Enenlhet Apketka nak ma'a ngkolhek hata nhan alhno neten, apkellelto la meliaskeiam ma'a ngkoitek hata aliennaktema apnenio'ok mankotnengvaianlha nnelha. Ka aptemo lhnak na nek Moises annenga apkelhanmo neten menasma apkelanai'a tavapak iamet apkenengkeskama akieto iokhalhma metkelha temma.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Hechos 7:59

Neksa apkeliaqnemmap nak, lhna aptemak apkenmalhnongkomo Esteban ma'a: —Apveske Jesús, ema ta takha ehengok —lhnak aptemak.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».