Juan 18:28 - Nuevo Testamento Toba Maskoy

²⁸ Apkelentepkaske lhta Jesús apkelemhama apmaniaie judios apnemakha Caifas ma'a, ka apkeliantemakho lhta apnemakha ko Roma apveske apvesai'a Pilato. Ma lhtoka elentalhnak konne m'a, ngkanek nkanketke lhta atsai'akha m'a kakpota nkovak aknem aktaqmelaikama lhma ankok Pascua, ma lhta nkonmak'ak elpaisengkesek apvalho'ok napaqtek Eniapom Neten ma'a, kakpota mankollapvankek kelha elpasengvomok nentavekha aktaqmelaikama lhma nak ma'a.

Juan 18:28 Iomraidhean Croise

Marcos 15:16

Netamen nak ma'a apkeliantemekho lhnak soldados Jesús ma'a akieto avhak pa'at akvesai'a pretorio, apkellaveiangka lhnak na ma' apkeltemo lheme'.

Lucas 22:66

Lhema aknem na ntemak akiekai'a m'a, apkaknekho lhna metno apketko'ok judios, escribas, kakpota nhan apkelemhama apmaniaie sacerdotes, apkeliantemekho lhnak Jesús ma'a napaqtavek apkelientalhnakha apkelveskai'e, apkelelmalhneiangka lhnak ma'a:

Juan 11:55

Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.

Juan 18:13

Apkeliantemakhe lhta apnakha Anas, Caifas apepiata, aptemo lhta nhan apiav'akha sacerdote iantelhkapa lhta m'a.

Juan 18:15

Apkelieplakhe lhta nhan Simon Pedro m'a kakpota nhan po'ok apkeltameskama Jesús, ka apkelentalhnengvakho lhta konne akhalhtemommalhka soldados apkeliantemekha Jesús ma'a. Aptalhne lhta nhan apkeltameskama lhta ngkanek apiekpelkemelha lhta apiav'akha sacerdote m'a.

Juan 18:33

Ka aptalhnakho lhta mokhom Pilato av'alhok pa'at, apkavengka lhta Jesús ma'a, lhna aptemak: —¿Lheiap anlho niekhe apiav'akha apveske judios apanko'ok, he? —lhna lhta aptemak Pilato.

Juan 18:39

Koka nietnek apkeltemakha ketlhengkap apkelpaqnemekha lhema apkaklhengkasemmap la'a neksa aktaqmelaikama lhma nak Pascua. ¿Apkeleltave nlho apaknemekha enenlhet anak apiav'akha apveske apanko'ok judios, he? —lhta aptak.

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Juan 19:14

Malha lhta nha ntak katelho m'a, lhema aknem alhta nhan nkaimelhkak akvaianlha Pascua, lhta aptak apkellano judios: —¡Ka apiav'akha apveske apanko'ok anak ketlhengkap hengke'e! —lhta aptak.

Juan 19:9

ka apkelto lhta ngkolhek aktalhnesakho mokhom konne pa'at Jesús ma'a, ka apkenmalhneiangka lhna lhta mokhom ma'a, lhna lhta aptemak apkanemo Jesús: —¿Ko la apkeniem'akha lheiap, he? Mang na lhtoka eniatemmoikama Jesús ma'a.

Hechos 10:28

lhna aptemak apkellanemo: —Apkeliavek ketlhengkap ley enganko'ok negellelto judios hengaskangkek ampalhakvomok po'ok enenlhet mankotno la nempaivomo lhema, hengaskangkek na antelhek apkakhaiangkolha m'a, koka aniem'o lhta Eniapom Neten heteskeskama mamma enenlhet apaiseiam kanhan koneng apankavek.

Hechos 10:32

Ellapes hata enenlhet natemma Jope kakpota eliantengvakhak Simon, mo'ok apvesai'a nhan Pedro. Ka apnak aptema amaika'a apnemakha apkelvesai'o lheme nak Simon apmakmekama apkeltakmelkeskama kaselha aiempeiok, apnek ma'a akieto nekha alvata", lhta aptak heiano m'a.

Hechos 11:3

lhnak aptaiangkok: —Mankoietok etalhnengvomok lheiap apkakhaiangkolha metnangko nak nema aliaqtemenkeskama nekhatkok apkellammelhakha, aptaveikokhek na lhta nhan lhemek lheiap ma'a —lhna aptaiangkok ma'a.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 4:27

Hai, nelvetai'ak alhta ennengko'o m'a Herodes, Poncio Pilato, metnangko nak judios kakpota nhan israelitas apkakhaiangko nak hengke'e temma nak apkellammelhma m'a apkasennaikama lheiap apvesai'a Jesús, apto apokkanma lheiap, apto lhta nhan apkeliekieskama lheiap.