Juan 17:3 - Nuevo Testamento Toba Maskoy

³ Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 17:3 Iomraidhean Croise

Marcos 9:37

—Enenlhet apto la apmama takha akmak'akha la nematka ka apto nak nematka nak hengke'e aniem'o asvesai'a ko'o, henmek na takha ko'o. Enenlhet apto la hemama takha ko'o, apmek na takha apto lhta heiapaskama —lhna aptemak Jesús.

Lucas 9:48

lhna aptemak: —Apto la apmama takha nematka nak hengke'e aniem'o asvesai'a, hemek na takha' ko'o. Apto la nhan hemama takha ko'o, apmek na takha m'a apto lhta heiapaskama. Enenlhet apto la metka apiaspommap apieseksek anak ketlhengkap, koka apto neten ankek apiaspommap napaqtek Eniapom Neten ma'a —lhna aptemak.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 11:42

Asiave ko'o heiailhave mota lheiap, astek ko'o astakha nak askenmalhnongkoma kakpota meliaskamek aplhamakho enenlhet anak hengke'e apto lhta lheiap heiapaskama —lhta aptak Jesús.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 17:18

Askellapaskek ko'o apkakhangkelha la enenlhet kakpota etlhenek apvesai'a lheiap ma'a, ka aptemakha nak lheiap heiapaskamo nak hengke'e.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Juan 5:44

Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

Juan 6:57

Eniapom apto alhta heiapaskama nietnek apiennaktema, heiangkek na ko'o apiennaktema m'a, enenlhet aptavo la ehepetek anak, ngkoitek hata nhan apiennaktema.

Juan 7:29

Vanlha koka ko'o asiekpelkemo m'a ngkanek askeniem'o nhan ko m'a, heiapaskama nhan ma'a —lhta aptak Jesús apkellano enenlhet'avok ma'a.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

1 Corintios 15:34

Enmekho mokhom altaqmanma aklhenaikama apvalho'ok, elieniekha koka nhan qaselha ngkolatsekama nak. Apkakhaiangkek nak na enenlhet'avok apieseksek anak ketlhengkap melioho' nak mokhom Eniapom Neten, ketlhengkap nkelleniemai'ak ma'a, enmankangvom koka.

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

2 Pedro 1:2

Askeltavek nkanantangkok altaqmanma apkellangiemhaikama kanhan altaqmelaikama apvalho'ok aniem'o apkeliangveiakmo Eniapom Neten kanhan Jesús Apveske engankok.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

2 Pedro 1:8

Nkaimelhkek angellanesangkok akiekangveiakmo engelvalho'ok anak qaselha altaqmelo nak kakpota ngkotnekhak malha allentepekha m'a nkollanangkok qaselha altaqmelo. Koka mantangko la m'a, malha aqhemo ta ngkotnek neliangveiakmoho apveske engankok Jesucristo.

1 Juan 1:2

Koka akiennaktema nak enneniek mangkotnengvaiam annelha nnengkek nak nanek lhemek Eniapom, netamen na akvai'o hengke'e nenieseksa ennengko'o, nelvetai'a lhta akiokha nkek ma'a ka netlheianmo mota aktemakha m'a.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 2:23

Enenlhet apto la aptaqnongkoma Apketka nak ma'a, aptaqnevakkek na m'a Apiapom anak, koka apto la nhan enenlhet apmama takha Apketka nak ma'a, apmek na takha Apiapom anak ma'a.

1 Juan 4:6

Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.