Juan 17:24 - Nuevo Testamento Toba Maskoy

²⁴ Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 17:24 Iomraidhean Croise

Lucas 12:37

Hata apvaktamo ta m'a, aktaqmelakho nke ta nkotnek apkellelto metka apnaqteianma aniem'o apkelel·halhnekama apveske apanko'ok. Ellavak hata nhan ma'a kakpota elpasengvomok aptavekha m'a, kakpota ellangkok na apanke aptekamok.

Lucas 23:43

Ka apkatemmoiangka lhnak Jesús ma'a, lhna aptemak —Hai', haveniapak anke aloka ta lhemek lheiap akieto iokhalhma aktaqmanma aknem anak —lhna aptemak. Jesús.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 15:9

Askellasekhai'o ketlhengkap ka kto nak Eniapom heiamelaiam ko'o, hellasekho ta nhan ketlhengkap.

Juan 17:2

Lheiap apkaikamok apientalhnema Apketka takhaplhet'ok aplhamakho enenlhet'avok kakpota ellangkok aliennaktema apnenio'ok mankotnengvaianlha nnelha apkellelto lhta apkellaikamok lheiap kakpota eltaqmelkeskesek ma'a Apketka nak.

Juan 17:22

Askellangkek ko'o helieplekama nak asiennaktema ka heiaikamo lhta lheiap kakpota elpasmekhak ma'a, ka akto nak ennengko'o.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Juan 6:39

Apkeltemo altakmelkesek enenlhet'avok anak hellaikamo lhta, netamen akvakmo ta nnelha lhmankek ham, anaklhatekhaskamok hata apieseksek apkenmaskengvaiakmo.

Juan 8:58

Ka apkellatemmongka lhta Jesús ma'a, lhta aptak: —Have niapak ankek ma'a, aslomaka lhta tep nak nanek ko'o amanie apmahai'a etiemok Abraham —lhta aptak Jesús.

1 Corintios 13:12

Koka kolhvave nak nelvet'ak malha ieiam appok taiep, alhpanma la nhan nenvetai'a, nkovak hato ka aknem nenvetangveiakmo iokhalhmek ankek ma'a, malha metka la apma nenga'at hata nkotnek. Hai, mankosavhommalhkok ma'a nema nenianveiakmo nak, nkovakha toka aknem nenianveiakmo aksavhommalhko nkoie', ka aptemakha nak ma'a Eniapom Neten apiamo nentemakha.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

1 Tesalonicenses 4:17

netamen ennengko'o nentangko nak enhalhnankok mokhom ngkolhek hata henlaqlakho lhemek apkellelto lhta apkeletsepma aiseksek iephopai'a kakpota angelvetangvakhak Apveske m'a neten, hata angelloka mota lhemek metka nnelha m'a.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Juan 3:2

Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

Apocalipsis 21:22

Ma lhtoka ata'ak ma'a pa'at akpokkenammalhka m'a apieseksek natemma nak, ngkanek apveske Eniapom Neten apto vanlha lhema aphapak aknema apmopvana apanke kakpota nhan Nepkesek Apketkok aptangko m'a malha pa'at akpokkenammalhka.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".