Juan 17:21 - Nuevo Testamento Toba Maskoy

²¹ Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:21 Iomraidhean Croise

Marcos 3:24

Ka akto nak na lhema iokhalhma la'a apkennapekpo la apankavek ma'a, enaqtevasakpok hata apankavek ma'a.

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 11:42

Asiave ko'o heiailhave mota lheiap, astek ko'o astakha nak askenmalhnongkoma kakpota meliaskamek aplhamakho enenlhet anak hengke'e apto lhta lheiap heiapaskama —lhta aptak Jesús.

Juan 13:35

Ka apkellasekhakpo la mota apieseksek anak ketlhengkap, nkotlheianvakhok hata apvalhok enenlhet have niapak ankek askeltamesaikamok ketlhengkap —lhta aptak Jesús.

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 17:18

Askellapaskek ko'o apkakhangkelha la enenlhet kakpota etlhenek apvesai'a lheiap ma'a, ka aptemakha nak lheiap heiapaskamo nak hengke'e.

Juan 17:20

Askeltavek na elpasmok po'ok enenlhet anak mangheliaskamek hata apkelleng'o la ania'a apketlheianma helieplekama nak.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Juan 5:23

Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

Hechos 4:32

Apkelpasmekhek nak lhamakho qaselha apanko'ok apkellelto meliaskeiam, mamma lhnak na atlheianma la apvalho'ok qaselha apanko'ok apankavek la'a, aknemo mo'ok nak na apvalho'ok ma'a.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

1 Corintios 12:12

Lhema apiokha nak enenlhet nlhaniek alpasmekha lhamakho aktemakha aknaiangko nak ma'a apiokha, nnavek na m'a apiokha nak Cristo.

1 Corintios 6:17

Ka apkellelto nak apkelpasmekha Apveske, malha lhema ntokhak na apvalho'ok ma'a.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 5:7

Apkanet'olhema lhtoka nhan apkelvetaiangko m'a, apketlheianma nhan.