Juan 17:11 - Nuevo Testamento Toba Maskoy

¹¹ Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 17:11 Iomraidhean Croise

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Juan 7:33

Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 9:17

Lhnak nanek aptemak apkanemo Eniapom Neten apveske Egipto: «Astemeskaskek ko lheiap apveske kakpota aienientak akientalhnema takhaplhet lheiap, kakpota nkotkama ania'a akietnema asmopvana lhmankek ham», lhnak nane aptemak.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Efesios 4:4

Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Filipenses 2:9

Ka nkeniemai'ak etneskesek Eniapom Neten neten apankek ma'a, apteniaskeskamo nhan apvesai'a neten ankek apiaspommap ma'a apieseksek aplhamakho enenlhet'avok,

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 9:24

Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Juan 3:12

Metnamo nkek na aktemakha lhnak nanek Cain, aniem'o lhnak nanek akmaikama keliaqhameio m'a akvakmo apkaqhekho lhnak apialheng apankek ma'a. Apkelanai'a mota ngkollatsekama, melhnok ma'a aptemakha apialheng vanlha lhnak nane mota apkelanai'a akpeivomo.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 19:12

Nkelapommatke lhta apaqto'ok malha lhta nta kto nak talha. Nlhanie lhta nhan apnaktetema apqatek, nietne lhta nhan aktalhesammalhka apvesai'a apanke monioho mokhom ma'a, vanlha lhtoka apiavek ma'a.

Apocalipsis 4:8

Moklhem'a lhta nhan nnaiangkok 6 alhempanko'ok, nketsavhekhave lhta nhan aqto'ok aiempeiok kanhan av'alho'ok ma'a, nkennekmasengke lhta nhan lhamakho aknem, pelhasep nahan, lhta ntangkok ma'a: —Apokkenammap, Apokkenammap, Apokkenammap apanke memangveiam ngkolatsekama apveske Eniapom Neten apto vanlha lhema aknema apmopvana apanke, apto apnema tep nak nanek, apto nhan apnema kolhvave nak, apto ta nhan apvekta —lhta ntangkok altakneskasengko m'a.