Juan 16:33 - Nuevo Testamento Toba Maskoy

³³ Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 16:33 Iomraidhean Croise

Lucas 19:38

Apkelvenekama lhnak akiennaktema nkek ma'a, lhnak aptaiangkok ma'a: —¡Nema aktaqmelkeskeskama apkaniemhaikama hengke'e apiav'akha Apveske na apto aplheiam apkapaskama Apveske! ¡Nengeltavek ngkoitek aktaqmelaikama lhma neten, nengai'o nhan ma'a neten! —lhna aptaiangkok ma'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Juan 14:1

Lhta aptak Jesús apkellano apkeltamesaikamok: —Moltama nkek apvalho'ok, meliaskem na Eniapom Neten kakpota nhan ko'o.

Juan 14:27

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Juan 16:11

Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 27:22

Koka askeltavek eliennekhok mokhom ketlhengkap, asiavek ko'o menietsepek hata lhema aphapak la'a, vanlha toka loma nemmen anak nkolentek.

Hechos 27:25

Ka ngkanek ko'o altok eliennekhok ketlhengkap ma'a, asiavek ko'o ngkotnek hata aptakha lhkek aplheianma Eniapom Neten.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

2 Corintios 1:3

Eliavenkaskesama ta mota apvesai'a Eniapom Neten, Apiapom ma'a Apveske engankok Jesucristo, apto nhan ma'a niapom nenietnai'o nenga'at kakpota nhan akpaihengvaiam engvalhok.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

2 Corintios 4:7

Ka ania'a aktaqmanma nak malha akto nak qaselha akmennave nke aknaiangko nak neniokha nkoliennaktema malha aktonak nialpa ngvengka, apvanka'ak elvetak enenlhet'avok akmovana m'a aniem'o Eniapom have aniem'o ennengko'o.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 7:4

Iokhalhmek ankek alheianma nak avanhek ankek ammalhko evalhok askellan'o ketlhengkap ammelhanto evalhok ham. Niekhe nellengaiangko akiavai'a akientalhnema, avanhek ankek koka nhan asvaskapekho kanhan akpaihekha evalhok.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Galatas 6:14

Vanlha koka ko'o anmalhko evalhok aniem'o Apveske engankok Jesucristo apto lhta apketsepma neten iamet aktenneskama, ka nkeniemai'ak astaqnongvekho qaselha ngkollatsekama neniava nak, kanhan hetaqnongvekho m'a neniava nak.

Filipenses 4:7

Netamen ellangkok hata nhan Eniapom Neten akiavai'a nkek manvaiam annelha altaqmelaikama apvalho'ok, eltaqmelkeskesek hata nhan apvalho'ok kakpota nhan alketansema apvalho'ok aniem'o nhan Cristo Jesús ma'a.

Colosenses 1:20

apkapaske lhta m'a kakpota eliepetkangvakhak mokhom aplhamakho apkakhangko nalhepop anak kanhan neten ma'a, apsoiakmave lhta nhan aktaqmelaikama envalhok anak aniem'o apketsepma lhta akiangkenammalhko ema apankok neten iamet aktenneskama.

1 Tesalonicenses 3:4

Neksa nengakhengveiam alhta apieseksek anak ketlhengkap ham nelpenesave lhta neleltennaskama nkovak hata akientalhnema, ntemengkek na lhta m'a apkelvetai'a ketlhengkap.

1 Tesalonicenses 3:7

Ketlhengkap elialheng'a, avanhe lhta apkelpaiesekha engelvalho'ok nelleng'o akiennaktema meliaskeiam, niekhe lhta akietnema mota akientalhnema nelvetai'a ennengko'o,

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,

Hebreos 11:25

Apieniekho lhnak nanek na m'a qaselha nkeskama akpaiesekho lhnak nane mota apvalhok ma'a, koka qaselha nak ma'a kolhvavek ankek nkonmaskengvomok, akiantemekho nhan ngkolatsenkolha mota m'a. Apkeliekieskamo lhnak nanek na Moises epalhakvakhak Eniapom Neten apkennemolhema, ennangkok na lhemek akientalhnema kanhan metka ngkolhek altakmelkaso m'a.

Hebreos 7:2

Apkaiangko lhnak na Abraham Melquisedec lhema nekha atkok akvesai'a diezmo aniem'o m'a apkel·hatsoskasekha qaselha apanko'ok apkennapommakpelha. Melquisedec koka nhan nema altema apiav'akha apveske apeivomo. Apiav'akha apveske nhan Salem nema altema koka apveske metka akmaska niapom.

1 Pedro 5:9

Elammelh hata nhan akieplomo akiennaktema meliaskeiam ma'a, ka aliepkonma nak ketlhengkap nnavek na apkelvetai'a m'a apkelialheng'a aplhamakho lhmankek ham.

1 Juan 2:13

Asnaktalheskaskek na ketlhengkap apiapma'ak anak, ngkanek apkeliavek ma'a apnemo lhnak nanek tep nak nanek alanemmalhko sekha lhmankek ham. Asnaktalheskaskek na m'a ketlhengkap apketko'ok, ngkanek apkeltemeskesentanie koneng maniamolhma ngken anak.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

1 Juan 5:4

ngkanek Eniapom Neten anak apketka apkeltemeskasantek koneng ngkollatsekama nak. Mongeliaskeiam anak ntemeskesantek na koneng ngkollatsekama nak.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.