Juan 16:19 - Nuevo Testamento Toba Maskoy

¹⁹ Apiave lhta Jesús apkenmahai'a elelmalhnama m'a, lhta aptak apkellano m'a: —Askeleltennaskek lhek ketsek nkaimelhkak manghelvetekhek hata ketlhengkap, netamen tep atketsek helvetekhak hata mokhom, koka meliohok ketlhengkap.

Juan 16:19 Iomraidhean Croise

Marcos 9:32

Mang noka eliangveiakmok mokhom ma'a aktakha apaivoma Jesús, meleltemo lhnak na elpeiveskasekha alhnakho nkek ma'a nkanek nkollaioseskesek apvalho'ok ma'a.

Juan 13:33

Ketlhengkap eietkak apketkok askellamelaiam, ketse nkaimelhkak astaqhekhelha, helketmok hata, manghelvetekhek hato ka, melvomek hata nhan asmak'akha nak amhangkok. Ka askeleltennaso nak ketlhengkap, askeleltennaske lhta nhan apkelemhama apmaniaie' nak judios.

Juan 14:19

Ketsek nkaimelhkak manghelvetekhek hata enenlhet'avok nalhepop anak, ketlhengkap hato ka helvetekhak hata, elloka ta mokhom ma'a tep ngkanek ko'o aloka ta nhan ma'a.

Juan 16:16

Ketse nkaimelhkak manghelvetekhek hata ketlhengkap, koka alhaiek hata helvetekhak mokhom —lhta aptak apkellano Jesús apkeltamesaikamok.

Juan 16:23

Hata akvo'o ta aknem anak ma'a, nkomaskok hata helelmalhnengka ko'o, hato ka m'a elelmalhnama Eniapom akieplomo asvesai'a nak, ellangkok hata lhamakho qaselhaha m'a, have niapak ankek ma'a.

Juan 16:26

Molelmalhneskasangkek hata nhan mokhom ketlhengkap Eniapom, elelmalhnama ta apankavek ketlhengkap ma'a akieplomo asvesai'a nak.

Juan 16:30

Mankaimelhkak angelelmalhnekho kakpota elpeivesekhak lheiap, apiavek lhamakho qaselha lheiap ka ngkanek mongeliaskamek lheiap apto Eniapom Neten apkapaskama —lhta aptangkok.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Juan 6:61

Koka apiave lhta Jesús apkelmaleniongka apkeltamesaikamok, lhta aptak: —¿Nkellavkaske nlho ketlhengkap astakha lhkek alheianma, he?

Juan 7:33

Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Hebreos 4:13

Lhamakho qaselha apkelentepkeskama lhta Eniapom Neten mankollavankek nkolielhanenkesek napaqtek ma'a, apvankek etak lhamakho qaselha iokhalhmek ankek, angetlhene mota angelleltennaksek na nentaiangkolha napaqtek ma'a.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.