Juan 16:16 - Nuevo Testamento Toba Maskoy

¹⁶ Ketse nkaimelhkak manghelvetekhek hata ketlhengkap, koka alhaiek hata helvetekhak mokhom —lhta aptak apkellano Jesús apkeltamesaikamok.

Juan 16:16 Iomraidhean Croise

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Juan 12:35

Ka apkellatemmongka lhta Jesús ma'a, lhta aptak: —Iakvatakho nkek ketsek mokhom tep ngkolhek apommatma apieseksek ketlhengkap, elloka ta lhemek ma'a kakpota mankollapvetek ienaqteskama lhma akpelapkeskama, nkonmaskeskesek na apkelvetai'a lhma amai apkenmangkolha la'a.

Juan 13:33

Ketlhengkap eietkak apketkok askellamelaiam, ketse nkaimelhkak astaqhekhelha, helketmok hata, manghelvetekhek hato ka, melvomek hata nhan asmak'akha nak amhangkok. Ka askeleltennaso nak ketlhengkap, askeleltennaske lhta nhan apkelemhama apmaniaie' nak judios.

Juan 16:10

Ko'o koka asto aspeivomo panke ngkanek aniakhak hata apnakha Eniapom, manghelvetekhek hata mokhom ketlhengkap.

Juan 16:22

Nnavek na ketlhengkap, nkeliepvamengkek kolhvave nak, koka helvetakho ta mokhom nkolpaihekhak hata apvalho'ok, mamma ta nkomaskeksek alpaihakho ta apvalho'ok ma'a.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 16:5

Kolhva koka ataqhok hata mokhom apnakha apto heiapaskama, ma nak helelmalhnema ketlhengkap asmak'akha amhangkok,

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 7:33

Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.