Juan 15:5 - Nuevo Testamento Toba Maskoy

^5-6 Ko'o asto iamet uva, ketlhengkap koka m'a malha aktengok anak. Mang hata nkek helieniakhak helpasmekama ketlhengkap, ngkotnek hata ngkeskama akielhna. Koka helieniakho la helpasmekama, ngkotnek hata metka akielhna, ngkolhek hata nhan aliaqtemeno m'a, nkoliemak hata, ngkolhek na ankesakho kakpota nkoklhalhkak aiseksek talha.

Juan 15:5 Iomraidhean Croise

Juan 12:24

Have niapak ankek lhema aktek anak analhko la konne lhepop, nkaimelhkek sekhe malha atsepma la'a kakpota nkotektepok nkolhamekhak na akielhna, koka mangkotno la malha atsepma m'a, mankotalhkek na akielhna.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

Romanos 7:4

Nnavek na ketlhengkap ma'a elialheng'a, mamma akmovana ley takhaplhet'ok ngkanek malha apkeletsepmo lheme lhta Cristo, apto nhan nema aklhatekhaskeiam apieseksek apkenmaskengvaiakmo. Kolhva koka aptangkokhak apkelpasmekhak Cristo, apvanka'ak na ellanangkok qaselha akleklemelha la apvalhok Eniapom Neten.

1 Corintios 10:16

Nenienaiangkek ennengko'o mota nohaikok akieplomo vino aktaqmanma akietkesammalhka m'a ema apankok Cristo, aniem'o nhan nelpasmekha m'a. Neliapteiangkek na, nentoiangko nhan pan akietkesammalhka koka nhan apiokha m'a aniem'o nhan nelpasmekha m'a.

1 Corintios 12:12

Lhema apiokha nak enenlhet nlhaniek alpasmekha lhamakho aktemakha aknaiangko nak ma'a apiokha, nnavek na m'a apiokha nak Cristo.

1 Corintios 12:27

Ka apkelpasmekha nak ketlhengkap malha ntakhak apiokha nak Cristo, moklhem'a annangkok mok aktema apkenmakmekama apketlhevai'a.

2 Corintios 13:8

Mankonmahai'ak angellammelhek akto have niapak anke nak, nenmak'ak koka mota angellasekhok ma'a.

2 Corintios 9:10

Apkankek Eniapom Neten aktek apto la apkanmo mota, apkankek na nentoma aptoma la'a, ellangkok hata nhan ketlhengkap nkeskama aktek nkeskama ta nhan nkotnek akielhna aniem'o apkelpeivomo ketlhengkap.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Filipenses 4:17

Have ko'o asteniai'a mokhom qaselha hepasmoma la'a, vanlha koka asteniak etlhevangkok nema akiaqmongkasekha ta aniem'o helpasmoma ko'o.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.

1 Pedro 2:4

Elteteskakho ta Apveske apto malha metaimong akietnema aktema alhnankok. Apkeltakheskamo lhta enenlhet, koka apkeliekieskakhe lhta m'a Eniapom Neten metaimog anak ngkanek akto lhta niekhe neten ankek akiaspommalhka m'a.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.