Juan 15:22 - Nuevo Testamento Toba Maskoy

^22-24 Lhta molan'o la lhamakho qaselha nak napaqtavek ma'a, mankolhe lhta apketselhnanemmap, koka nietnek apketselhnanemmap ma'a ngkanek apkelvetai'ak askelanai'a qaselha hempelapkeskama napaqtavek ma'a, koka nkaqhok hengeltaqnongkongkek Tata, ko'o nhan.

Juan 15:22 Iomraidhean Croise

Lucas 12:46

Nkotlapkesek hata evatak apveske apanko'ok, eiaqmongkasekhak hata akientalhnema nkek aptaiangkolha enenlhet meliamo nalhma.

Juan 12:48

Hato ka enaqtevasakpok ma'a meleliehekho la aspaioma akvakmo ta nnelha aknem.

Juan 16:9

Enenlhet hei'askeiam la'a, koka apto meihamolhma m'a.

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Juan 9:41

Ka apkellatemmongka lhta Jesús ma'a, lhta aptak: —Aptangko la ketlhengkap metka apaqto'ok, malha niekhe melvetai'a la ngkollatsekama apanko'ok apankave', mangkolhek na nema aliaqmongkaskesekha apkeltakha la'a. Ketlhengkap koka apkelleltakpok nema apaqto'ok, alhnakho nkek apkelvetai'a ngkollatsekama apkellanekamok, nkelietavek etlhevangkok nema aliaqmongkaskesekha ta —lhta aptak Jesús.

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Romanos 1:20

Mongapvankek koka angvetak Eniapom Neten kakpota nhan apmopvana nkotnengvaianlha nnelha, koka neksa alketamekama la apvalho'ok enenlhet aktemakha lhamakho qaselha apkelentepkeskama lhta m'a aniem'o apkelvetai'a, nkolpeivesekha apvalho'ok apnema have niapak ankek Eniapom Neten. Mankollapvankek na etlhenek meliamo Eniapom Neten,

Romanos 2:1

Mankoietok lheiap elhenek po'ok apselhnanemmap, malha aptevasekpek na apankek lheiap ma'a ngkanek apkelan'ak na qaselha ngkolatsekama lheiap.

Santiago 4:17

Apto la enenlhet apiamo niekhe elanak qaselha aktaqmelo, koka melan'ak ma'a, koka m'a ngkolatsekama apkelanai'a.

1 Pedro 2:16

Ketlhengkap mmaskek nema allasennaikama nema apkelianmoma, kolhva koka apvanka'ak apkenmak'akha la ellanangkok qaselhaha, ¡koka ellaho ta m'a, mellanamo nkek ngkollatsekama ngkanek ketlhengkap apkellelto Eniapom Neten apkellasennaikama!