Juan 15:20 - Nuevo Testamento Toba Maskoy

²⁰ Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Juan 15:20 Iomraidhean Croise

Marcos 10:39

Ka apkellatemmoiangka lhnak ma'a, lhna aptaiangkok: —Hai', engvanka'a ie' —lhnak aptaiangkok ma'a. Netamen lhna aptemak apkellanemo mokhom Jesús: —Hai', have niapak ankek ketlhengkap ennaksepok hata akmaska malha asmak'akha ta ngkotnek ko'o. Ngkotnek hata nhan malha knema allavkeskama ta konne akientalhnakha ketlhengkap, malha akmak'ak hata nhan ngkotnek ko'o.

Lucas 2:34

Ka apkeltakmelkaskesaiangka lhnak na alvesai'a ngkana'ak ma'a, lhna aptema apkanemo María: —Ka nematka nak nema apaskama kakpota elpalesemma apentalhnema enenlhet'avok ko israel, kakpota nhan elankesekhak neten apentalhnema nhan enenlhet'avok. Ngkotnek hata mongenatkeskama apkaniemhaikama m'a, apkeltaknevo ta apentalhema enenlhet'avok ma'a.

Lucas 6:40

Ka apkeltameskama nak have apto neten apankek napaqtek apketlhekmoskama apankok ma'a. Koka apenesakpo la nema akiangveskeskaiakmo m'a, elhnekhok hata apketlhekmoskama apankok ma'a.

Juan 10:31

Apkellavke lhta apkelemhama apmaniaie judios apkelleng'o m'a, nketlhengkaske lhta elienhek metaimong Jesús ma'a.

Juan 11:57

Koka apkelemhama apmaniaie' sacerdotes kakpota nhan Fariseos apkelpeneskamavek na lhta apkellaikamok ania'a enenlhet'avok ma'a, apkelvet'o la Jesús ma'a, apvanka'ak eleltennaskakhak kakpota elpathetek ma'a.

Juan 13:16

Have niapak ankek nema annengkasekama nak have apto neten apankek apveske apankok, nnavek na nema apaskama nak have apto neten apankek apto apkapaskama.

Juan 5:16

Apkelempai'avek na lhta apkelemhama apmaniaie judios apkenmahai'a emenlhenama Jesús ma'a, lhta songke apmakmeiangka aptaqmelkeskaiakmo akmaska apiempek aknem sabado nennekhelha.

Juan 7:32

Apkelleng'a lhta nhan ania'a aplhenammap Jesús fariseos kakpota nhan apkelemhama apmaniaie' sacerdotes, ka apkellapaso lhta apkellanekama nekhav'ak Eniapom Neten apnemakha m'a kakpota elpathetek Jesús ma'a.

Juan 8:51

Enenlhet apkellelto la apkelleliehekho aspaioma nak, melletsepek hata, have niapak ankek astakha nak —lhta aptak.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

Juan 8:59

Kolhvavek anke lhta apkenmangkok metaimong aliaqiema kakpota ennapok Jesús ma'a, koka aplhenengkasekpe lhta apankek apieseksek enenlhet'avok ma'a, aptepo nhan Eniapom Neten apnemakha.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

1 Corintios 4:12

Avanhek neliampai'a aniem'o nenmakmekama akientalhnema enmeio'ok engankave. Neksa hengeliamenaikama enenlhet'avok, nellatemmoma koka aktaqmanma nempaivoma neleltemo nkoltaqmelek apkellaniemhaikama. Neksa hengenmenlhenaikama nhan, nengelvaskapkek koka ennengko'o.

2 Corintios 4:9

Hengelmenlhenama nhan kakpota hennaqtevaksek ma'a, neliave koka nnengke mota hentaiangko netlhelhma'ak ma'a, niekhe malha nelpelapeiam aniem'o enenlhet hengeliengama, man koka hennaqtevaskamak ma'a.

1 Tesalonicenses 2:15

Ka judios alhta m'a apkennapmo lhta nhan apveske Jesús ma'a kanhan apkeleltennaskama ania'a apankok, ennengko'o lhta nhan hengelentepkeskamo apkellavakha apanke apiav'akha temma. Ma lhta nhan nkolleklemok apvalhok Eniapom Neten, vanlha lhta nhan apteniaikamok apkellammelhma.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,