Juan 15:19 - Nuevo Testamento Toba Maskoy

¹⁹ Aptangko la apkellanekamok ngkollatsekama ketlhengkap, ka enenlhet anak apkellanekamok ngkollatsekama ellasekho ta nhan ketlhengkap ma'a, ka akto nak apkellasekhai'elha la mota apkeltaiangkolha apketlhelhma'ak. Ko'o koka askeliekieskama ehenkek ketlhengkap apieseksek anak ma'a, mmaskek aptangko m'a aptaiangkolha nak ma'a, ka ngkanek eltaknevak ketlhengkap ma'a.

Juan 15:19 Iomraidhean Croise

Lucas 6:32

Koka ellasekhekho ketlhengkap vanlha apkellelto nak apkellasekhai'elha la'a, mellasekhek koka m'a apkellammelhmakha la'a, ¡koka mankoietok etnangkok ma'a! Aptaiangkolha nhan ma'a enenlhet anak apkellanekamok anak ngkollatsekama.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 6:70

Koka lhta aptak Jesús: —Ko'o lhta askeliekieskama 12 nak ketlhengkap, koka apnek lhema apieseksek malha aveske keliaqhameio —lhta aptak Jesús ma'a.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Pedro 4:3

Ngvenaktenke lhta aknem apkellanekamok qaselha aleklemelha nak apvalho'ok enenlhet'avok melioho nak mokhom Eniapom Neten, apkeltemengvekho lhma, ngkollatsekama mota apkenmahai'akha etnangkok, melleskama etavangkok aptekamok, anmen alieieskama lhma, kakpota nhan apkeltakneskasekamok qaselha akiokha apkellanekamok. Npelhkaskek apiempek Eniapom Neten qaselha ngkollatsekama nak ma'a, ka meleliehekho nak Eniapom Neten aptaiangkek aktonak ma'a,

1 Juan 3:12

Metnamo nkek na aktemakha lhnak nanek Cain, aniem'o lhnak nanek akmaikama keliaqhameio m'a akvakmo apkaqhekho lhnak apialheng apankek ma'a. Apkelanai'a mota ngkollatsekama, melhnok ma'a aptemakha apialheng vanlha lhnak nane mota apkelanai'a akpeivomo.

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.