Juan 14:27 - Nuevo Testamento Toba Maskoy

²⁷ Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Juan 14:27 Iomraidhean Croise

Lucas 1:79

kakpota nkapommetek apkellelto apkelloma akiavai'a ienaqtesakha lhma kanhan nengetsepma peskeska nkok. Apmahai'a nhan hengelvetaskesek amai akvesai'a aktaqmelaikama engvalho'ok —lhna aptemak Zacarias.

Lucas 10:5

Hata apkelvakmo la natemma, elpaives hata etnangkok hengke'e: "Altaqmelaikama apvalho'ok hata hengke'e", hata etnangkok ma'a.

Lucas 12:4

—Ka stak ko'o askellano ketlhengkap asketlhelhma'ak nengaqte, mellaga nkek enenlhet apkenmopvana nak enaqtevaksek vanlha apkeliokha nak, koka mankollapvankek mokhom etvaksek ma'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Juan 14:1

Lhta aptak Jesús apkellano apkeltamesaikamok: —Moltama nkek apvalho'ok, meliaskem na Eniapom Neten kakpota nhan ko'o.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 20:19

Pelhasep alhta aptak ma'a, apkaknakho lhta apkeltamesaikamok konne pa'at, apkellapakhave lhta atong ngkanek apkelemhama apmaniaie' judios alhta apkellak'ak ma'a. Mpelapkaske lhta aptalhnengvo'o Jesús ma'a, apkenengvakmo apieseksek apkaknakhelha, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Hechos 18:9

Lhema pelhasep na ntemak Pablo apvetai'o apaqtek Apveske, lhna aptemak: —Meniaga nkek Pablo, elhen hata apankek ania'a aktaqmanma hengke'e apieseksek enenlhet anak.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 5:10

Nelammelhmakha lhta ennengko'o Eniapom Neten, nkaqhok koka hengellasekhekhave lhta apankek aniem'o lhta apketsepma Apketka. Kolhva koka hengellamelekhavek mokhom ma'a, have niapak ankek hata nha ngkotnek hengelvongkeskama tep ma'a aniem'o aktaiekha mokhom aphalhnankok Apketka.

Romanos 8:6

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

1 Corintios 1:3

Askeltavek Eniapom Neten kanhan Apveske engankok Jesucristo eltaqmelkeskesek apkellaniemhaikama ketlhengkap ham, ellangkok na altaqmelaikama apvalho'ok.

Galatas 1:3

Askeltavek ko Eniapom Neten kanhan Apveske engankok Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Galatas 6:16

Askeltavek ko'o nkovaiventak altaqmelaikama engvalhok kanhan nenietnai'o nenga'at takhaplhet'ok apkellelto apkeleliehekho m'a aspaioma lhkek, kanhan takhaplhet'ok Eniapom Neten apkennemolhema Israel.

Filipenses 4:7

Netamen ellangkok hata nhan Eniapom Neten akiavai'a nkek manvaiam annelha altaqmelaikama apvalho'ok, eltaqmelkeskesek hata nhan apvalho'ok kakpota nhan alketansema apvalho'ok aniem'o nhan Cristo Jesús ma'a.

Colosenses 1:2

Nengeleltavek angellapaskesek atlheianma engelvalho'ok aplhamakho apkelpokkenammap meliaskeiam anak Cristo akieto ham Colosas, apkelleliehekho mota nhan Eniapom Neten. Nengeleltavek na Eniapom Neten kanhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Colosenses 1:20

apkapaske lhta m'a kakpota eliepetkangvakhak mokhom aplhamakho apkakhangko nalhepop anak kanhan neten ma'a, apsoiakmave lhta nhan aktaqmelaikama envalhok anak aniem'o apketsepma lhta akiangkenammalhko ema apankok neten iamet aktenneskama.

Colosenses 3:15

Eniapom Neten apkeliekieskama ketlhengkap kakpota nkotnangkokhak malha lhema apiokha, nkolhnangkok na altaqmelaikama apvalho'ok, etnamo ta mota nhan gracias ma'a.

2 Tesalonicenses 1:2

Nengeltavek na Eniapom Neten kanhan Apveske engankok Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

2 Timoteo 1:7

Hengellangkek ennengko'o Eniapom Neten engelvalhok aknema akmovana, nengasekhai'o, nenmeiommalhko enganke', metka nengai'a nhan.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Hebreos 7:2

Apkaiangko lhnak na Abraham Melquisedec lhema nekha atkok akvesai'a diezmo aniem'o m'a apkel·hatsoskasekha qaselha apanko'ok apkennapommakpelha. Melquisedec koka nhan nema altema apiav'akha apveske apeivomo. Apiav'akha apveske nhan Salem nema altema koka apveske metka akmaska niapom.

Apocalipsis 1:4

Ko'o Juan nlhenkek evalhok siete iglesias akieto iokhalhma Asia, askeltavek ko'o enmankok takha altaqmanma apkellaniemhaikama kanhan altaqmelaikama apvalho'ok. Koka nkelleniemai'ak ma'a apto nak apnema, apnemo nhan tep nak nanek, apvekta ta nhan. Kanhan siete espíritus allelto m'a alloma mota naqtek aptanema apveske.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.