Juan 14:26 - Nuevo Testamento Toba Maskoy

²⁶ koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 14:26 Iomraidhean Croise

Marcos 12:36

Koka David, Espíritu Santo lhnak nanek apmaikama, aptemo lhnak nanek hengke'e: «Lhta aptak Apveske apkano Apveske ehenkok ma'a: Elhnata neheqha akiennakha akvakmo ta asavho askakheskekta koneng apmankok apkelammelhmakha lheiap», lhnak nanek aptemak ma'a.

Marcos 13:11

Mankoltama nkek apvalho'ok ketlhengkap apkenmak'akha ta eltehek apkellatemmoikama m'a neksa nema aklakleqha napaqtavek apkelientalhnemo. Espíritu Santo ta ellapvaneskesek apkellatemmoikama m'a, malha apkeliatongkoma la apankek ma'a.

Lucas 1:15

Neten ankek hata ngkotnek apiaspommap napaqtek Eniapom Neten, meinek hata vino m'a kakpota nhan iavhan anmen. Elanok hato ka apvalhok Espíritu Santo neksa apietnema konne av'alhok angken ma'a.

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 1:41

Apkaktemmakpek nak atka av'alhok Isabel neksa aklengai'a lhnak akpaiveskama María, aplanei'avek nak na av'alhok Espíritu Santo m'a,

Lucas 1:67

Aplanei'avek nak apvalhok Zacarias Espíritu Santo, ka apkelientemongkeskamo lhnak aplheianma qaselha akmak'akha ta ngkotnek ma'a, lhna aptemak ma'a:

Lucas 11:13

Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Lucas 24:49

eniakhamok hata hengke'e Jerusalen ngkanek kolhvavek hata angvapaksek takhaplhet'ok aktakha lhta apaivoma Tata have niapak ankek eniapaksek hata, aknema akmopvana apkeniem'o neten —lhna aptemak.

Lucas 3:22

apvaiventamo lhnak Espíritu Santo takhaplhet ma'a. Malha konemmaktek na ntemak, aklengammalhko lhnak nema aliatekama neten, lhna ntemak heng: —Lheiap eietka askamelaiam, apaiesakhek evalhok lheiap —lhna ntemak nema aliatekama.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Juan 12:16

Koka apkeltamesaikamok ma lhta nkotlheianvakho apvalho'ok aktemakha aklheianma ania'a aktalhesammalhka vakkahak. Koka netamen nemo aktemeskeskamo neten apankek Jesús ma'a, atlheianvekho nhan apvalho'ok aktemakha aklhenammalhka qaselha nak ma'a.

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Juan 14:25

Asketlhekmoske mota neksa asnema mokhom apieseksek anak ketlhengkap,

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 16:7

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a.

Juan 2:22

Lhta nkeniemai'ak ma'a atlheianvekho lhta apvalho'ok apkeltamesaikamok aptemakha lhta apaivoma Jesús neksa aplhatekhangveiam alhta m'a. Ma lhta nhan eliaskeiakmok aktemakha aklheianma Vakkahak Eniapom Neten Apaivoma, aptemakha lhta nhan aplheianma Jesús.

Juan 20:22

Ka apkelvatepnapo lhta takhaplhet'avok ma'a, lhta aptak: —Apketlhevangkek Espíritu Santo kolhvave nak ketlhengkap,

Juan 6:45

Nietnek apnaqtalheskama vakkahak apkeleltennasemmap ania'a annenga, ka ntak hengke'e: «Eniapom Neten hata etlhekmoksek lhamakho enenlhet'avok», ka ntemak ma'a. Ka ngkanek enenlhet'avok la apkellailhemo, apkellasekhai'o la nhan Eniapom anak, hata etnangkok helieplekama ko'o m'a.

Juan 7:39

Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Hechos 1:2

akvakmo m'a aknem aknemo akiantemekho lhnak neten. Koka amanie lhnak ma'a apkellaiangko lhema apaivoma apkellanemakha etnangkok aniem'o Espíritu Santo apkellelto lhnak ma'a apkelikieskama apkelapaskamo apankok.

Hechos 1:4

Ka apkeleltennaskamo lhnak lhema apaivoma, lhna aptemak: —Melakta pankek Jerusalen akvakmo ta aknem akvai'a lhema qaselha aplheianmo lhta Eniapom have niapak ankek eniapaksek hata, askeleltennaskangke lhta nhan ko'o lha sekhe lhta m'a.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 11:16

Nlheianvakhave lhta ko'o evalhok aptemo nak hengellanemo Apveske m'a, lhta aptak: "Have niapak apkellavkesaiangko konne iemmen Juan ma'a, koka ngkolhek hata akto malha nema allavkesaikamok la akieplomo Espíritu Santo ketlhengkap ma'a", lhta aptak ma'a.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 15:28

Koka nnekhek mo'ok atlheianma engelvalho'ok ennengko'o kakpota nhan Espíritu Santo kakpota mongelpatenkesek malha akientalhnema ketlhengkap, vanlha koka ntasek

Hechos 15:8

Apkeliekpelkavek Eniapom Neten apvalho'ok aplhamakho enenlhet'avok, apkenmaiangkek na takha m'a metnangko nak judios ka nkeniemai'ak apkellaiangko nhan Espíritu Santo, nnavek na aktemakha nak hengellanei'o ennengko'o.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Hechos 28:25

Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

Hechos 5:3

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma!

Hechos 7:51

Aplhengkeskangkek nak mokhom Esteban apkeltennaikama m'a, lhna aptemak: —¡Mamma apqatko'ok ketlhengkap, mang na nkomak'ak ellailhok, mankolatsema nhan apvalho'ok! Apkelnavek apkelieihengka nnenga, apkeltaknevakke mota Espíritu Santo.

Hechos 7:55

Koka Esteban aplanei'avek nak apvalhok Espíritu Santo m'a, apkammelhmo lhnak neten, apvetai'o apkapommatema Eniapom Neten ma'a kakpota nhan Jesús nak apkenmaiangka napokha akieto iennakha.

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

1 Corintios 12:3

Ka nkeniemak ma'a askelelto nak eliohok ketlhengkap enenlhet apto la apietnema apmopvana Espíritu apankok Eniapom Neten, mankapvankek na eihemetkesek apvesai'a Jesús. Vanlha koka apvankek enenlhet elhenek Jesús apto Apveske koka aniem'o m'a apmopvana Espíritu Santo

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Tesalonicenses 4:8

Lhema enenlhet la aptaqnongkoma hengetlhekmoskama nak, manghengeltaknevak ennengko'o, aptaqnevakke koka m'a Eniapom Neten apto hengellaikamok Espíritu Santo

2 Timoteo 1:14

Etaqmelkes hata aktemakha aktaqmanma hengetlhekmoskama aplhevai'a lhta lheiap, Espíritu Santo apkakhangkek apvalho'ok aplhamakho Jesucristo apkennemolhema epasmok hata nhan lheiap ma'a.

Tito 3:5

niekhe lhta ennengko'o mongellaneiangko qaselha altaqmelo, nkaqhok koka eniosak'ak hengellanei'o m'a Eniapom Neten, hengelvongkeskamo nhan tep, hengellalhnaskeskamo nhan engelvalho'ok, malha nhan hengeltemeskeskamo nhan malha la kolhva nempalleiam, hengellaiangko alhnankok neniennaktema aniem'o Espíritu Santo.

Hebreos 10:15

Lhnak na aptemak Espíritu Santo hengke'e:

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.

Hebreos 3:7

Ka nkeniemai'ak na ntasek angelleltakmelkaso angellailhok aktemakha aplheianma Espíritu Santo aktalhesammalhka Vakkahak Eniapom Neten apaivoma, ka aptemak hengke'e: «Apkelleng'o la Eniapom Neten apaivoma aknema anak,

Hebreos 9:8

Kolhva koka neliangvakmek nenvanlha nak aniem'o Espíritu Santo amosek nak elentelhek aplhamakho m'a konne av'alhok akpokkenammalhka nke nak neksa apietnema mokhom akpaklhenammalhka kaselha aiempek anak.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

2 Pedro 1:21

Apkeleltennasemmap ania'a nnenga metlheianmak na apanko'ok apankavek la ania'a, Eniapom Neten koka apkellaikamok apaivoma m'a kakpota etlhenek ma'a, aniem'o nhan apkenmaikama Espíritu Santo.

1 Juan 2:20

Ketlhengkap koka malha apkeliangkanma la apietsekso'ok aniem'o m'a apto Apokkenammap memangveiam ngkolatsekama nak, ka ngkanek nnankek neniekpelkemo nak aplhamakho ketlhengkap ma'a.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

1 Juan 5:7

Apkanet'olhema lhtoka nhan apkelvetaiangko m'a, apketlheianma nhan.

Judas 1:20

Elvaskap hato ka aktaqmanma nke nak meliaskeiam ketlhengkap elialheng'a askellamelaiam, elelmalhna ta mota aniem'o apkelpasmoma Espíritu Santo.

Apocalipsis 2:11

—¡Eltaqmelkaso no apkellailhemo apaiko'ok anak apmak'akha etnek aplheianma Espíritu aplhamakho apanke nak iglesias!: "Apkellelto ta apkeliephongveiakmo m'a, mmaskek akto hanet aknaqtevasekha nengetsepma m'a", lhta aptak Espíritu.