Juan 14:23 - Nuevo Testamento Toba Maskoy

²³ Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 14:23 Iomraidhean Croise

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Juan 14:21

Enenlhet apto apmama takha henganemakha ehenkok anak, apkeliehekho nhan, koka hengka apto have niapak ankek heiasekhai'o. Ko'o kakpota nhan Tata angellamelemmok hata enenlhet anak, aiekpelkaskesalhkok hata nhan ehenkek ko'o m'a —lhta aptak apkellano Jesús apkeltamesaikamok.

Juan 14:24

Koka enenlhet apto la mangheiasekhai'o, meliahakhok na aspaioma. Have aspaioma ehenkek ko'o, Eniapom koka apto lhta heiapaskama apaivoma m'a.

Juan 15:10

Eleliehekhok na askanemakha etnangkok kakpota elvetak enenlhet ma'a hellasekhai'o. Ka stonak ko'o askeliehekhek apkanemakha atnek Tata, apkelvetai'ak na enenlhet askasekhai'o ko'o Tata.

Juan 16:27

Apkellamelakmek Eniapom ketlhengkap ngkanek hellasekhai'o na ketlhengkap, meliaskeiakmok na apto Eniapom Neten heiapaskama lhta.

Juan 6:56

Aptavengko la enenlhet ehepetek anak, apienangko la nhan ema ehenkok anak, nelpasmommalhko nentangkok ma'a.

Juan 8:51

Enenlhet apkellelto la apkelleliehekho aspaioma nak, melletsepek hata, have niapak ankek astakha nak —lhta aptak.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

2 Corintios 6:16

Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

1 Juan 2:24

Ka ngkanek ntasek ketlhengkap melvankamankek apkelleliehekho ania'a apkellengai'a sekhek anke lhta, ka aknangko la ania'a apqatko'ok anak ketlhengkap ma'a, apkelpasmakhek Apketka kanhan Apiapom ma'a,

1 Juan 2:5

Koka envanka'ak ennengko'o angelleliehekhok apaivoma nak ma'a aniem'o nelletsavhongvaiakmo akiokho nkek nengasekhai'o nak hengaikamok ma'a Eniapom Neten, ka ngkanek neliavek nengelelto nelpasmekama m'a.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

1 Juan 5:3

Hai, nengasekhai'o Eniapom Neten aniem'o neleliehekhok hengellanemakha nak antangkok ma'a, nkelhievak'ave na ngkotnek apkanemakha apanke nak ma'a

2 Juan 1:6

Enenlhet akietnema apkasekhai'o po'ok, apkeliehekho nhan asongkek apkanemakha Eniapom Neten ma'a. Apkellengai'a lhta ketlhengkap sekhek anke lhta apkanemakha Eniapom Neten ntasek ellasekhok po'ok.

Apocalipsis 21:22

Ma lhtoka ata'ak ma'a pa'at akpokkenammalhka m'a apieseksek natemma nak, ngkanek apveske Eniapom Neten apto vanlha lhema aphapak aknema apmopvana apanke kakpota nhan Nepkesek Apketkok aptangko m'a malha pa'at akpokkenammalhka.

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.

Apocalipsis 22:3

Mangkolhek hata nhan knema hengiemetkeskama natemma nak ma'a, ngkoitek hata nhan aptanema apveske Eniapom Neten kakpota nhan Nepkesek Apketkok ma'a. Elteklhengkok hata nhan aptapno'ok napaqtek ma'a aniem'o mota apkellai'o apkellelto apkellasennaikama m'a.