Juan 14:12 - Nuevo Testamento Toba Maskoy

¹² Aniakhak hata ko'o akieto apnakha Eniapom, ka ngkanek apkellelto la mangheliaskeiam etnangkok hata aktemakha nak askelanai'a ko'o. Tep anke hata ngkotnek apkellanai'a qaselha m'a, have niapak ankek hata ngkotnek ma'a.

Juan 14:12 Iomraidhean Croise

Marcos 11:13

Apvetai'o lhnak iamet akvesai'a higuera, apteteskaiakmo lhnak apmahai'a niekhe' etvok akielhna m'a. Mamma lhnoka akielhna, mang nak nkovaiakmok akielhnemakha, mok ava lhnak ma'a.

Marcos 16:17

Enenlhet'avok la meliaskeiam ma'a, ko'o ta allangkok ellanak qaselha mongenatkeskama m'a. Elentepkeskasangkok hata kasekapok av'alho'ok, kakpota nhan apkenmopvanka'a mo'ok apkelpaqmeiasma.

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

Juan 16:7

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a.

Juan 4:37

Have niapak ma'a aktakha nema altennaikama, napokha apkenaikamok aktek, napokha nhan apnaklhekamok akielhna.

Juan 5:20

Eniapom apkamelaiam Apketka, apvetaskaskek aptakha la apkelanai'a. Netamen eteskesek hata mokhom qaselha mongvetai'o nkek ma'a, nkolpelapkesek hata apvalho'ok ketlhengkap apkelvet'o ta m'a.

Juan 7:33

Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Juan 7:39

Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Hechos 10:46

Apkelpaqmeteiangka nhan mo'ok apkelpaqmeiasma kakpota nhan apkeliavenkaseiangka apvesai'a Eniapom Neten.

Hechos 16:18

Lhamakho aknem alhta akvenekama m'a akvakmo astengo lhta Pablo m'a, ka apengkakpo lhta neptamen, lhta aptak apkano kasekapok av'alhok: —¡Koieniekha ngkelvana tkok anak aniem'o apvesai'a Jesús! —lhta aptak. Kolhvavek anke lhta nieniakhak kasekapok av'alhok ma'a.

Hechos 19:12

Apkelletsomo nhan ietamopai'a napokha'ak kakpota nhan apkelentalhnema kakpota emangvomok Pablo m'a kakpota elletso'ok apnangkolha la anmaska apiempeiok kakpota enmangvomok ma'a, eltaqmalvomok nahan, nkolentepok na kasekapok av'alho'ok ngkollatsekama apvalho'ok ma'a.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 4:16

—¿Ko la anteskesangkok enenlhet'avok anak, he? Apkeliavek aplhamakho enenlhet ko Jerusalen apkellanengko lhta qaselha mongenatkeskama, mongellapvankek angeleltangkok apkenmopvanka ania'a m'a.

Hechos 4:33

Koka nema allapaskama apkenmopvanka lhnak apketlhekmosekamok aktemakha aplhatekhangveiam alhta Apveske Jesús apieseksek apkenmaskengvaiakmo. Avanhek ankek nak na apkeltakmelkeskeskama apkellaniemhaikama Eniapom Neten ma'a.

Hechos 4:4

Mang nantek enenlhet'avok apkellailhemo apaivoma Pedro kakpota nhan Juan, mang nak na eliaskeiakmok ma'a, malha lhnak 5.000 apkelennava'ak ma'a.

Hechos 5:15

lhna songkek apkelpetkangvekho lhnak anmaska apiempeiok akieplomo nema altankeskama akieto amai apmak'akha eiekak Pedro, apkeleltemo akmak'akha la ngkotnek nkapvomok peskeska apankok ma'a.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Hechos 8:7

Aplhaniek nak na enenlhet anmaikama kasekapok av'alhok akpaiseiam apkeltaqmalveiakmo m'a. Ngkelpaihekama lhnak atno'ok alenteiapmo kasekapok av'alhok, apkeltakmelkeskaiakmo nhan aplhamakma metka aptapno'ok kakpota nhan apkeliaqteikama.

Hechos 9:34

Lhna aptemak Pedro: —Eneas, Jesús hata etaqmelkasekha kolhvave nak, etnemekha neten, eliaqsasekha nema aktankeskama nak —lhna aptemak. Kolhvavek ankek nak apkenmekhak neten ma'a.

Hechos 9:40

Netamen Pedro m'a apkeltemo lhnak elentepok aplhamakho enenlhet ma'a, ka apkelteklheklhemo lhnak aptapno'ok nalhepop, apkenmalhnongkomo m'a, ka apkelanei'o lhnak atsepma m'a, lhna aptemak apkanemo: —¡Tabita, kolhnekha no neten! —lhna aptemak. Ka anmaiesekho lhnak aqto'ok ma'a akvetai'o Pedro, ka aknemo lhnak neten takhalhet aktanema.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.