Juan 14:10 - Nuevo Testamento Toba Maskoy

¹⁰ ¿Apiaskakmek nlho lheiap Eniapom kakpota nhan ko'o nengelelto enlhema? Lhamakho aktakha nak alheianma aniem'o m'a Eniapom, have ehenkok ehenkek alheianma nak, Eniapom ko'o alhelhma, hemama ko'o m'a kakpota allanak lhamakho qaselha.

Juan 14:10 Iomraidhean Croise

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 11:26

Koka meletsepo mokhom kolhvave nak mangheliaskakmo la'a, meletsepek hata. ¿Mmai'e nkoi'askakmok lheia astakha nak, he? —lhta aptak Jesús.

Juan 12:49

Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 14:11

Meliaskem koka ko'o ka nhan Eniapom nengelelto enlhema, koka apkeliaskakmo la aspaioma nak, meliaskamek koka nhan aniem'o lhamakho qaselha askelanai'a nak.

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Juan 14:24

Koka enenlhet apto la mangheiasekhai'o, meliahakhok na aspaioma. Have aspaioma ehenkek ko'o, Eniapom koka apto lhta heiapaskama apaivoma m'a.

Juan 5:17

Koka lhta aptak Jesús apkellano m'a: —Ko'o Tata apmakmema lhamakho aknem, ko'o nhan asmakmema —lhta aptak Jesús.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Juan 7:16

Koka lhta aptak Jesús apkellatemmongka m'a: —Ka asketlhekmoskama nak have ehenkok ehenke', koka aniem'o m'a apto lhta heiapaskama.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Juan 8:38

Alhenkek ko'o vanlha mota aktemakha helhekmoskama Apiapom, koka ketlhengkap apketlhengke mota vanlha aktemakha lhta apketlhekmosekamok apiapma'ak apankave —lhta aptak Jesús.

Juan 8:40

mok aktema aptaiangkok ketlhengkap. Apkenmak'ak na hellaqhek ngkanek askeleltennaskek akto have niapak ankek aslengai'a aniem'o Eniapom Neten. ¡Ma lhta etnemak Abraham annenga aptaiangkelha nak!

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

2 Corintios 5:19

Apkapaskangkek Eniapom Neten Cristo kakpota etnek apkellasekhaskesekho aplhamakho enenlhet'avok ma'a, etneskesama nhan apankek apkeliekai'a meleltemakha etnangkok ma'a. Hengellapaskama nhan ennengko'o kakpota angelleltennaksek ania'a nak.

Colosenses 1:19

Apkeltave lhta Eniapom Neten ngkoitek apmopvana apankok ma'a Cristo,

Colosenses 2:9

Ka apiokha nak Cristo apnek ma'a Eniapom Neten apiokho panke nak,

1 Juan 5:7

Apkanet'olhema lhtoka nhan apkelvetaiangko m'a, apketlheianma nhan.