Juan 13:2 - Nuevo Testamento Toba Maskoy

^2-4 Mpeneske lhta akmaikama aveske keliaqhameiok Judas, Simon Iscariote apketka kakpota eselhnanak Jesús ma'a. Apiave lhta Jesús apto Eniapom Neten apkapaskama kakpota nhan etaqhok apnakha m'a, apiavek na Eniapom apkaiangko lhamakho aktemakha apmopvana m'a. Neksa aptaveikokha lhta pelhasep ma'a, apkenmakho lhta neten Jesús, ka apleko lhta apkaqlammap, aptetakho nhan lhema ietamopai'a napokha neplhet.

Juan 13:2 Iomraidhean Croise

Lucas 22:3

Ka aktalhnemo lhnak Satanas Judas Iscariote apvalhok ma'a, apto lhnak na lhema apieseksek apkeltamesaikamok Jesús.

Lucas 22:31

Lhnak aptemak Apveske apkanemo Pedro: —Simon, etaqmelkaso no apkailhemo, nkeltavek Satanas nkolievhesama ketlhengkap malha aptemo nak trigo nema akievhesaikama nak.

Juan 13:11

Apiave lhta Jesús enenlhet apselhnanongkoma ta, lhta ngkanek etnek apaivoma have aplhamakho apkenmopei'o.

Hechos 5:3

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma!

2 Corintios 8:16

Gracias ko stemak Eniapom Neten aniem'o aptemeskeskama Tito aktaikama apvalhok apkellanei'o ketlhengkap ham ka aktemakha nak ko'o, avanhek apmahai'a elpasmok ketlhengkap ma'a.

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Apocalipsis 17:17

Eniapom Neten alhtoka apkeltemeskasak nkotlhenek apvalho'ok 10 lhek apkelveskaie kakpota ellangkok akientalhnemo kaselha nevhak lhek nengai'o, akvakmo toka nhan aknem aklheianmakha apvalhok ma'a.