Juan 13:18 - Nuevo Testamento Toba Maskoy

¹⁸ Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 13:18 Iomraidhean Croise

Marcos 14:17

Ka aptemo lhnak pelhasep ma'a, apmeiekho lhnak na Jesús kakpota nhan aplhamakha apkeltamesaikamok ma'a.

Marcos 14:18

Neksa aptaveikokha lhnak nekha asota m'a, lhna aptemak Jesús apkellanemo: —Lhema apieseksek anak ketlhengkap heselhnanak hata, have niapak ankek astakha nak —lhna aptemak.

Marcos 14:20

Koka Jesús lhna aptemak apkellanemo: —Lhema apieseksek anak 12 ketlhengkap, apto nhan nelteklheiangko nak lhemek pan av'alhok aphak anak.

Lucas 22:21

Koka heselhnanak hata lhema enenlhet apnek hengke'e nenieseksa nak.

Juan 13:21

Aiose lhta ntak apvalhok Jesús neksa apeneskama apkeltennaikama m'a, lhta aptak: —Asiavek ko'o lhema phapak apieseksek anak ketlhengkap heselhnanak hata —lhta aptak.

Juan 13:22

Apkellan'ave lhta po'ok apkeltamesaikamok, ma lhta eliohok enenlhet eselhnanak hata m'a.

Juan 13:26

Apkatemmoma lhta Jesús ma'a, lhta aptak: —Asmak'ak alavkesek napokha pan anak kakpota angvangkok enenlhet anak apto ta heselhnanongkoma —lhta aptak. Ka apiaskeso lhta pan Jesús, apkangko lhta nhan Judas Iscariote Simon apketka.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 15:19

Aptangko la apkellanekamok ngkollatsekama ketlhengkap, ka enenlhet anak apkellanekamok ngkollatsekama ellasekho ta nhan ketlhengkap ma'a, ka akto nak apkellasekhai'elha la mota apkeltaiangkolha apketlhelhma'ak. Ko'o koka askeliekieskama ehenkek ketlhengkap apieseksek anak ma'a, mmaskek aptangko m'a aptaiangkolha nak ma'a, ka ngkanek eltaknevak ketlhengkap ma'a.

Juan 15:25

Koka heng lhamakho aktakha nak askaniemhaikama asvetai'a, ka akietno nak na aktalhesammalhka ley Eniapom Neten, ka ntemak ma'a: «Heltaknevakke' enenlhet metkelho astakha» ka ntemak ma'a aktalhesammalhka.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 18:32

Nietemavek lhta nhan aktemakha lhta aplheianma Jesús enietsepok apkeltemakha mota romanos.

Juan 19:24

Lhta aptangkok apkelpaqmetkesakpo mok apankavek ma'a: —Mongeliaptanke ta hengke'e, ntase ta annaktevasangkok nennaqtevaskama nemmapseive' kakpota apto apnaqsepma, esakhak ma'a —lhta aptangkok ma'a. Ngvakme lhta aknem aktemakha lhnak na nek aklheianma Eniapom Neten apaivoma vakkahak, lhnak nane ntemak: «Apkennaskesakpek askelentalhnema, apnaqtevasengkek na nennaqtevaskama nemmapseive' askaqlammalhka» lhna ntemak.

Juan 19:36

Koka aktemakha lhta akvetammalhka qaselha m'a ntemengkek aklheianmo lhnak nanek Eniapom Neten apaivoma ngkotnek hata m'a, lhnak nane ntemak: «Mankolhe ta alentaso apelhkapkok ma'a» lhna ntemak.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Juan 6:70

Koka lhta aptak Jesús: —Ko'o lhta askeliekieskama 12 nak ketlhengkap, koka apnek lhema apieseksek malha aveske keliaqhameio —lhta aptak Jesús ma'a.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Hechos 1:2

akvakmo m'a aknem aknemo akiantemekho lhnak neten. Koka amanie lhnak ma'a apkellaiangko lhema apaivoma apkellanemakha etnangkok aniem'o Espíritu Santo apkellelto lhnak ma'a apkelikieskama apkelapaskamo apankok.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Hebreos 4:13

Lhamakho qaselha apkelentepkeskama lhta Eniapom Neten mankollavankek nkolielhanenkesek napaqtek ma'a, apvankek etak lhamakho qaselha iokhalhmek ankek, angetlhene mota angelleltennaksek na nentaiangkolha napaqtek ma'a.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.