Juan 13:1 - Nuevo Testamento Toba Maskoy

¹ Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 13:1 Iomraidhean Croise

Lucas 22:53

Lhamakho aknem alhta niekhe asketlhekmoskama Eniapom Neten apnemakha napaqtavek ketlhengkap, mang koka helpathetmak ma'a. Kolhva koka helpathetak ketlhengkap ngkanek ngva'ak aknem ankok akmovana ienaqtesa lhma —lhna aptemak apkellanemo Jesús ma'a.

Lucas 9:51

Ketsek nak nkaimommalhka aknem apmeiekhelha' neten Jesús ma'a, apmeiekhek noka apankek ma'a Jerusalen metka apkai'a.

Juan 11:55

Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.

Juan 12:23

Ka apkatemmongka lhta Jesús, lhta aptak: —Kolhva ngvakmok aknem Enenlhet Apketka nak ngkolhek hata aktemeskeso neten apanke'.

Juan 13:29

lhta apkellanek elhenak Jesús enmok Judas qaselha aktaqmelaikama lhma' Pascua ankok, nlho ka la nhan ma'a ellangkok patakkom metka nak apkelletsekama, ngkanek apkeltakmelkeskama patakkom alhta m'a.

Juan 13:34

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap.

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

Juan 14:31

Evankek ko'o alanak apkeltakha la alanak Eniapom kakpota elvetak enenlhet'avok halhma nkek ham asto askasekhai'o Eniapom. ¡Elaqnekha neten, nok! —lhta aptak Jesús.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Juan 17:26

Asketlhekmoskek ko'o mota aptemakha lheiap, alhenkesek hata mokhom asketlhekmoskama kakpota etlhengkesek na helpasmekha ko'o m'a, kakpota nhan ellasekhakpok apieseksek ma'a, malha akto nak ennengko'o nellasekhammalhko mota —lhta aptak Jesús apkenmalhno Eniapom.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 18:4

Neksa apkelvetai'a lhta Jesús apketlheiam ma'a, apkellanielhangko lhta m'a, apiave lhta nhan apkenmak'akha etnangkok, lhta aptak apkelelmalhnengka: —¿Se lha enenlhet apkelketamo ie, he? —lhta aptak ma'a.

Juan 19:28

Apiave lhta Jesús apeneskama lhamakho aktemakha apmakmekama, lhta aptak: —Knem heiaqhak —lhta aptak ma'a. Koka ngvai'ak ma'a aktemakha lhnak nanek aklheianma Eniapom Neten apaivoma aktalhesammalhka.

Juan 2:13

Ketse lhta nkaimelhkak aknem apanko'ok judios aktaqmelaikama lhma akvesai'a Pascua, ka apmeiakho lhta Jesús akieto Jerusalen.

Juan 7:30

Ka apkenmak'o lhta elpathetek Jesús apkelemhama apmaniaie judios ma'a, koka ma lhta nkollapvanka'ak, ma lhta nhan nkovakmok aknem apankok ma'a.

Juan 7:6

Koka lhta aptak Jesús: —Mankovakmok mokhom aknem ehenkok, ketlhengkap koka ntasek lhamakho aknem.

Juan 8:20

Neksa apkeltennaikama lhta Jesús ma'a, apne lhta Eniapom Neten apnemakha, akieto iamet aiseksek alhankok patakkom nema akmeskama qaselha, koka ma lhta emammakpok ma'a, ma lhta nhan nkovaiakmok aknem apankok.

Romanos 8:37

Koka nengeliephongvakmek ma'a aniem'o hengelpasmoma Eniapom Neten apto nhan hengamelaiam.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

1 Pedro 1:13

Ka nkeniemai'ak na ntasek nkolketamangkok apvalho'ok aktaqmelo kakpota ellanangkok qaselha akpeivomo, mellankek na nkonmama aliaspongkomakha nak apvalho'ok, elel·halhnama nhan apvektanlha ta Jesucristo avanhek hata nkotnek apkeltakmelkeskeskama apkellaniemhaikama.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.