Juan 12:49 - Nuevo Testamento Toba Maskoy

^49-50 Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 12:49 Iomraidhean Croise

Juan 14:10

¿Apiaskakmek nlho lheiap Eniapom kakpota nhan ko'o nengelelto enlhema? Lhamakho aktakha nak alheianma aniem'o m'a Eniapom, have ehenkok ehenkek alheianma nak, Eniapom ko'o alhelhma, hemama ko'o m'a kakpota allanak lhamakho qaselha.

Juan 14:24

Koka enenlhet apto la mangheiasekhai'o, meliahakhok na aspaioma. Have aspaioma ehenkek ko'o, Eniapom koka apto lhta heiapaskama apaivoma m'a.

Juan 14:31

Evankek ko'o alanak apkeltakha la alanak Eniapom kakpota elvetak enenlhet'avok halhma nkek ham asto askasekhai'o Eniapom. ¡Elaqnekha neten, nok! —lhta aptak Jesús.

Juan 15:15

Nkomaskok hata nhan aptaikamok nema allasennaikama nak nema apkelianmoma, ka allasennaikama nak have nengaqtek apveske apankok ma'a. Ketlhengkap koka apkellelto askeltema emo'ok nengaqtek, askeleltennaskek na aktakha Tata apaivoma.

Juan 3:11

Ennengko'o koka neliave', nelvetai'ak na m'a, ketlhengkap koka hengeliaskakme'.

Juan 3:32

Koka apto apkeniem'o neten, aplhengke mota aktakha apvetai'a, aplengai'a nhan neten anak, apkeliaskakmek koka enenlhet ma'a.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Juan 5:30

Mongvapvankek alanak asmak'akha la alana ehenkok ehenke', Eniapom anak ma'a helhekmoskek atnek askeliekpelkemo aktemakha apkellanekamok enenlhet. Ka ngkanek atnek aktaqmelo askeliekpelkemo motaha aniem'o askeliehekho Eniapom anak ma'a, apto nhan heiapaskama.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Juan 7:16

Koka lhta aptak Jesús apkellatemmongka m'a: —Ka asketlhekmoskama nak have ehenkok ehenke', koka aniem'o m'a apto lhta heiapaskama.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.