Juan 12:48 - Nuevo Testamento Toba Maskoy

⁴⁸ Hato ka enaqtevasakpok ma'a meleliehekho la aspaioma akvakmo ta nnelha aknem.

Juan 12:48 Iomraidhean Croise

Marcos 12:10

Kotlheianvakho no apvalho'ok aktemakha aklheianma Eniapom Neten apaivoma, ka ntemak heng: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a.

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Marcos 8:31

Netamen Jesús apkeleltennaseiangka lhnak apkeltamesaikamok akmak'akha ta ngkotnek apkaniemhaikama, lhna aptemak: —Nkaimelhkek ennangkok akiavai'a nkek akientalhnema Enenlhet Apketka nak, eltaqhesok hata apkelemhama apmaniaie', kakpota nhan apkelemhama apmaniaie' sacerdotes, kanha escribas. Ellaqhek hata m'a, hanetolhema aknem hato ka nkotnehek, elhatekhangvomok mokhom —lhna aptemak.

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Lucas 17:25

Amanie koka sekhek ennangkok hata akiavai'a aplengaiangko, eltaqhesok hata nhan enenlhet'avok nenvanlha nak.

Lucas 20:17

Apkellanei'avek nak Jesús enenlhet'avok ma'a, lhnak aptemak: —Ka ntak aktalhesammalhka Eniapom Neten apaivoma hengke'e: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a».

Lucas 7:30

Koka fariseos kakpota nhan hengetlhekmoskama ley ma lhtoka eleltemok ellavkesangkok konne iemmen Juan ma'a, ma lhta nha nkonmahai'ak eleliehekhok apkanemakha etnangkok Eniapom Neten.

Lucas 9:22

lhnak na aptemak: —Ka Enenlhet Apketka nak ennangkok hata akientalhnema aniem'o metno apketko'ok, apkelemhama apmaniaie' sacerdotes kanhan escribas. Eltaqhesok hata m'a, ellaqhek hata nhan, koka hanetolhem'a aknem hata ngkotnek apketsepma, elhatekhangvomok mokhom ma'a —lhna aptemak.

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

Juan 11:24

Lhta ntak Marta: —Hai', asiavek ko'o elhatekhangvomok hata apieseksek apkenmaskengvaiakmo akvakmo ta nnelha aknem —lhta ntak.

Juan 5:45

Apketlhengke mota meliaskeiam ley Moises ketlhengkap, have koka iokhalhme' ngkanek Moises helheianmek ko'o aptalheskama. Ka apkeliaskakmo la ketlhengkap Moises, heliaskakmek na ko lha'. Mankaimelhkak ko'o atlheianvakhak apkelvesai'a meliamolhma ketlhengkap napaqtek Eniapom ma'a, Moises hato ka etlheiangvakhak apkelvesai'a ketlhengkap ma'a —lhta aptak Jesús apkellano apkelemhama apmaniaie judios ma'a.

Juan 6:39

Apkeltemo altakmelkesek enenlhet'avok anak hellaikamo lhta, netamen akvakmo ta nnelha lhmankek ham, anaklhatekhaskamok hata apieseksek apkenmaskengvaiakmo.

Juan 8:47

Eniapom Neten apketkak la'a apkeltakmelkasavek mota apkellailhemo aktakha aplheianma Apiapom, koka mellailhemok ketlhengkap, ngkanek have Eniapom Neten apketkak —lhta aptak Jesús.

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Hechos 3:23

Koka apkellelto la meleliehekho m'a apkeltennasemmap ania'a nak ma'a, ngkolhek hata aktepkeso m'a nentema nennemolhema m'a", lhnak nanek aptemak Moises annenga.

Romanos 2:16

akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.

2 Corintios 4:3

Koka ania'a aktaqmanma nak malha akposemmalhka napaqtavek enenlhet'avok apketlheneiam anak,

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

Hebreos 10:25

Mongelvatesankek na nengaqnekha neltaqneskasekamok anak Eniapom Neten, angeliatekhok na emmo'ok ngkanek ketse nkaimelhkak akvai'a ta aknem.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.