Juan 12:44 - Nuevo Testamento Toba Maskoy

⁴⁴ Lhta aptak mokhom Jesús apiennakteso apaivoma: —Mang hata nkek heliaskakmok moklhem'a enenlhet, meliaskakmo la nhan Apiapom apto lhta heiapaskama.

Juan 12:44 Iomraidhean Croise

Marcos 9:23

Netamen, lhna aptemak Jesús: —Koka nkaimelhkek mei'askamek lheiap, apto la enenlhet mei'askeiam apvankek elanak apmak'akha la elanak —lhna aptemak.

Marcos 9:37

—Enenlhet apto la apmama takha akmak'akha la nematka ka apto nak nematka nak hengke'e aniem'o asvesai'a ko'o, henmek na takha ko'o. Enenlhet apto la hemama takha ko'o, apmek na takha apto lhta heiapaskama —lhna aptemak Jesús.

Juan 11:43

Ka apiennakteso lhta apvenekama Jesús, lhta aptak: —¡Lazaro, etiep ham! —lhta aptak.

Juan 13:20

Apkenmangkek hata nkek takha enenlhet askellapaskama nak, henmankek na takha ko'o m'a. Henmankek na takha ko'o, apkenmangkek na takha akto lhta heiapaskama ko'o, have niapak ankek astakha nak —lhta aptak.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 7:28

Apleng'a lhtoka Jesús neksa apketlhekmoskama lhta konne Eniapom Neten apnemakha, lhta aptak apiennakteso apaivoma: —Apketlhengke niekhe ketlhengkap apkeliamo se lha ko'o ie, kakpota nhan ko la askeniem'akha m'a, meliehek koka. Have asvai'a ehenko ie', heiapaskama m'a apto apiamolhma, ketlhengkap koka meliekpelkak ma'a.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.