Juan 12:28 - Nuevo Testamento Toba Maskoy

²⁸ ¡Eniapom, elvetaskes enenlhet'avok anak akietnema apmopvana lheiap! —lhta aptak. Kolhvavek anke lhta nlengalhka nema aliatekama aniem'o neten, lhta ntak: —Askelvetaskeskangkek asmopvana, alvetaskesek hata mokhom —lhta ntak nema aliatekama.

Juan 12:28 Iomraidhean Croise

Marcos 1:11

Netamen apkellengai'o lhnak enenlhet'avok ma'a nema aliatekama aniemai'o neten, lhna ntemak hengke'e: —Lheiap eietka askamelaiam, apaiesekha mota evalhok —lhna ntemak ma'a nema aliatekama.

Marcos 14:36

lhna aptemak: —¡Ta! Apvankek lheiap elanak apmak'akha la elana', askeltave niekhe heiekaksek akientalhnema ta malha asnaqsepma ta akmaska akmak'o na nkovak. Momak'ak atnehek asmak'akha atnehek, vanlha apkelto la apmak'akha la etnek lheiap —lhna aptemak Jesús ma'a.

Marcos 9:7

Ka akvai'o lhnak na iephopai'a peskeska ankok, apkellengai'o lhnak nema aliatekama aiseksek iephopai'a, lhna ntemak: —Ko'o eietka ham, avanhek ankek askamelaiam, ellasekho ta nhan ketlhengkap —lhna ntemak ania'a m'a.

Lucas 3:22

apvaiventamo lhnak Espíritu Santo takhaplhet ma'a. Malha konemmaktek na ntemak, aklengammalhko lhnak nema aliatekama neten, lhna ntemak heng: —Lheiap eietka askamelaiam, apaiesakhek evalhok lheiap —lhna ntemak nema aliatekama.

Lucas 9:35

Apkellengai'o lhnak nema aliatekama aiseksek iephopai'a, lhna ntemak: —Ka eietka askamelaiam ham, eleliehekho ta mota ketlhengkap —lhna ntemak nema aliatekama.

Juan 11:4

Ka apkatemmongka lhta Jesús ma'a, lhta aptak: —Koka akmaska eniempek anak have akmahai'a nkaqhek ma'a, elvetak hata enenlhet'avok Eniapom Neten apmopvana, kakpota nhan apmopvana Apketka —lhta aptak.

Juan 18:11

Koka lhta aptak Jesús apkano Pedro: —Eniaqlhengkasekha alhankok pelettav akvenaktema nak, apkeltavek Eniapom atnek lhema asnaqsepma asiama aimenek akmaska ta, askasekhavek ko'o apmak'akha etnek ma'a —lhta aptak Jesús.

Juan 9:3

Ka apkellatemmongka lhta Jesús ma'a, lhta aptak: —Have aniem'o ngkana'ak allanekamok ngkollatsekama, nlho ka la nhan apkelanai'a apanke ngkollatsekama, apteiakme lhta metka apaqto'ok ma'a kakpota elvetak hata aplhamakho enenlhet'avok aktemakha apmopvana Eniapom Neten akmovana nkotaqmelkasekha.

Efesios 2:7

kakpota elvetak hata aplhamakho enenlhet'avok aktaqmanma nkek apkellanei'o Eniapom Neten, akiavai'a nkek apkelpasmoma apkellelto nak apkelpasmekha Cristo Jesús.

Efesios 3:10

Kolhva aniem'o iglesia alanai'a qaselha, nkolvetak hata kasekapo av'alho'ok alientalhnemo nke nak, aknema nak anmovanka'a, kanhan alveskaie, nkolvetak hata nema apiamo Eniapom Neten.

Efesios 3:21

Hai, lhamakho iglesia apkellelto apkelpasmekha Cristo Jesús, ntasek etlhene mota akiavai'a nkek apvesai'a Eniapom Neten metka akvaiam annelha aliekaikamok iantelhkapa. Amen.

2 Pedro 1:17

Neksa nellengai'a lhta apaivoma Eniapom Neten apto eniapma'ak, neksa lhta nhan apommatema neten akvaivantamo lhta nhan apaivoma, ai'o lhta m'a, aktemeskeskamo lhta nhan akiavai'a nkek apvesai'a Jesús, lhta ntak: «Ka eietka ham askamelaiam, apto nhan askeliekieskama ko'o», lhta ntak ma'a.