Juan 12:1 - Nuevo Testamento Toba Maskoy

¹ 6 aknem alhta nkaimelhkak mokhom aktemakha aktaqmelaikama lhma' akvesai'a Pascua, apvakhe lhta Jesús na temma akieto Betania, apnemakha lhta nhan Lazaro m'a apto lhta aplhatekhaskeiam apieseksek apkenmaskengvaiakmo m'a.

Juan 12:1 Iomraidhean Croise

Marcos 11:11

Ka aptalhnengvekho lhnak Jesús Jerusalen ma'a, apmeiekho nhan Eniapom Neten apnemakha, apkellanei'avek nak lhamakho qaselha m'a konne. Ka apkelienakteseiangka lhna lhma' m'a, apkenmeiekho lhnak natemma Betania kakpota nhan 12 apkeltamesaikamok.

Lucas 24:50

Ka apkelentepkeskamo lhnak Jesús apkeltamesaikamok na temma nak, aplaqlekho lhnak natemma Betania, apkeliasekho lhnak neten apmeiok apkeltemo nkoltaqmelek apkellangiemhaikama m'a.

Lucas 7:37

Nlomaka lhnak na m'a ngkelvana akto neten ankek ngkolatsekama alanai'a, aklengai'o lhnak ania'a aplhenammap Jesús apvai'a m'a, ka aksomo lhnak alhankok akmases aimes alabastro akmennave nkoie'.

Juan 11:1

Lhema enenlhet alhta apvesai'a Lazaro akmaskei'o lhta apiempek ma'a, apkavakha apanke lhtoka Betania kakpota nhan apkelialho'o María kakpota nhan Marta.

Juan 11:43

Ka apiennakteso lhta apvenekama Jesús, lhta aptak: —¡Lazaro, etiep ham! —lhta aptak.

Juan 11:44

Kolhvavek anke lhta aptepak Lazaro m'a, apkelhiakmo aptepo konne metaimong alhva, akieplomo alpelhketemmalhka apmeiok kanhan apmankok ietamopai'a, ka nhan ieplomo nema apma napa'at ietamopai'a napokha'a. Netamen lhta aptak apkellano Jesús apkellelto apkelvaiam ma'a: —El·hatsoskes ietamopai'a nak kakpota nkotaqmelekha aplhengama —lhta aptak.

Juan 11:55

Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.

Juan 12:12

Lhema aknem alhta ntak akiekai'a m'a, ma lhta ntek apkenmeiekha enenlhet'avok apiav'akha temma Jerusalen, ngvakme lhta aknem aktaqmelaikama lhma akvesai'a Pascua. Ntepema lhta ania'a apieseksek enenlhet'avok aplheiam Jesús amai.

Juan 12:20

Apkakhangke lhta nhan ma'a moklhem'a griegos apkelpasengvaiam aktaqmelaikama lhma Pascua m'a kakpota elteklhengkok aptapno'ok, el·halhentamok na napaqtek Eniapom Neten ma'a.

Juan 12:9

Ma lhta ntek judios apkellengai'a ania'a apnema Jesús na temma Betania, ka apkenmeiokmo lhta apkenmahai'a elvetak Jesús ma'a kakpota nhan Lazaro, apto lhta aplhatekhaskeiam Jesús apieseksek apkenmaskengvaiakmo.