Juan 11:55 - Nuevo Testamento Toba Maskoy

⁵⁵ Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.

Juan 11:55 Iomraidhean Croise

Marcos 14:1

Hanet aknem nak nkaimommalhka altaqmelaikama lhma alvesai'a Pascua kanhan pan metka apiepheskama. Apkelemhama apmaniaie sacerdotes kakpota nhan escribas apkelleliaikama lhnak aktemakha ania'a akmovana ania'a la'a kakpota elpathetek ennapok na Jesús ma'a.

Lucas 22:1

Ketsek nak nkaimommalhkak aknem akvaianlha aktaqmelaikama lhma judios apanko'ok aptoiangkolha lhna mota pan metka apiepheskama, Pascua lhnak akvesai'a m'a.

Juan 12:1

6 aknem alhta nkaimelhkak mokhom aktemakha aktaqmelaikama lhma' akvesai'a Pascua, apvakhe lhta Jesús na temma akieto Betania, apnemakha lhta nhan Lazaro m'a apto lhta aplhatekhaskeiam apieseksek apkenmaskengvaiakmo m'a.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 18:28

Apkelentepkaske lhta Jesús apkelemhama apmaniaie judios apnemakha Caifas ma'a, ka apkeliantemakho lhta apnemakha ko Roma apveske apvesai'a Pilato. Ma lhtoka elentalhnak konne m'a, ngkanek nkanketke lhta atsai'akha m'a kakpota nkovak aknem aktaqmelaikama lhma ankok Pascua, ma lhta nkonmak'ak elpaisengkesek apvalho'ok napaqtek Eniapom Neten ma'a, kakpota mankollapvankek kelha elpasengvomok nentavekha aktaqmelaikama lhma nak ma'a.

Juan 2:13

Ketse lhta nkaimelhkak aknem apanko'ok judios aktaqmelaikama lhma akvesai'a Pascua, ka apmeiakho lhta Jesús akieto Jerusalen.

Juan 2:6

Apnangke lhta nhan 6 ietangvalhva m'a, malha 100 litro lhta moklhem'a. Apkenmaiangka lhta mota neksa apkeltemakha judios kakpota elalhnasekhak apiempeiok napaqtek Eniapom Neten.

Juan 5:1

Netamen alhta m'a apmeiakho lhta Jesús akieto natemma Jerusalen kakpota epasengvomok aktaqmelaikama lhma judios apanko'ok ma'a.

Hechos 21:24

Eliantemekha ta lheiap ma'a enenlhet anak Eniapom Neten apnemakha kakpota elalhnasekhak apvalho'ok napaqtek ma'a, lheiap hata nhan enialhnasekhak apvalhok ma'a. Elianmongkeskes hata nhan patakkom apankok lheiap kakpota ngkolhek aliesesangko, kakpota elvetak aplhamakho enenlhet have niapak aplhengkeskama lheiap mokhom ley enganko'ok anak, kakpota nhan etlhenek ma'a akmovana ania'a aplhenammap lheiap.

Hechos 21:26

Mo'ok aknem alhta ntak ma'a, apkeliantemakho lhta Pablo 4 enenlhet ma'a akieto Eniapom Neten apnemakha, ka apkellempo lhta apkellalhnasekha apvalho'ok ma'a kakpota nhan Pablo. Ka aplheno lhta nhan napaqtavek enenlhet'avok ma'a akmak'akha ta ngkotnek nnelha' apkelpeneskamo lhta apkelpaqmeiasma apkenmak'akha etnangkok hata napaqtek Eniapom Neten, ellangkok hata nhan qaselha nengaikamok Eniapom Neten.

Hechos 24:18

Askalhnasekho lhta nhan ko evalhok ma'a napaqtek Eniapom Neten akieto apnemakha. Ma lhta nhan angvankesekhak enenlhet ma'a, ma lhta nhan atepkeskamak akmaska m'a. Helvet'a lhta nhan moklhem'a judios apkelleniem'o Asia, koka apvanka'a niekhe nhan elelhiemok hengke'e kakpota eleltennasama lheiap askelanai'a la ngkolatsekama ko'o.

1 Corintios 11:28

Ka ngkeniem'ak nkaimelhkek elanhok sekhe apvalhok apanke, ntase ie nlho ka la mankolatsema, amanie apmahai'a etvok pan kakpota nhan einek vino,

Santiago 4:8

¡Elteteskakho ta Eniapom Neten, netamen elteteskatak hata nhan ketlhengkap ma'a! ¡Elieniesamo ta nhan apmeio'ok, malha alpaisengkeskama ngkollatsekama apkellanekamok ketlhengkap! ¡Elalhnasekha ta nhan apvalho'ok ketlhengkap hanet anak apvalho'ok!