Juan 11:52 - Nuevo Testamento Toba Maskoy

⁵² Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Juan 11:52 Iomraidhean Croise

Lucas 15:8

Mo'ok apietkeskama: —Lhema ngkelvana kelha nhan ngkoitek 10 patakkom aliaqiema dracmas, nkotiemok kelha lhema. ¿Have nlho niapak kolhvavek ankek nkoliama apommatkeskama la'a kakpota nhan nkalhnasama konne' aknemakha kakpota nkotekhak ma'a, he?

Lucas 2:32

Etnek hata malha apkapommatema apketsaskeskama lhma m'a apieseksek metnangko nak judios, ellakpok hata enenlhet'avok ko israel apkennemolhema apankek lheiap —lhna aptemak Simeon.

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 12:32

Hato ka kno ta heklheno neten, nkolienioskamok hata aplhamakho enenlhet'avok asiokha nak nkolaqlantak asnakha —lhta aptak Jesús.

Hechos 18:10

Ka nke'e na temma nak mantek enenlhet ehenkok, ko'o ta atnek alhelhma kakpota menaqtevaksek enenlhet'avok —lhna aptemak Apveske.

Romanos 3:29

Eniapom Neten apto nhan apveske apanko'ok metnangko nak judios, have vanlha m'a apkellelto nak judios.

Romanos 4:17

Ka ktemo nak na aktalhesammalhka Vakkahak Eniapom Neten apaivoma hengke'e: «Astemeskaskek lheiap apiapma'ak aplhamakho apkellavakha lhmankek ham» lhnak nane ntemak ania'a. Man nak ei'askeiakmok Abraham Eniapom Neten, apto akietnema apmopvana apanke, enaklhatekhaskamok na apkenmaskengvaiakmo, apvankek na elhenek qaselha amanie nkovak hata.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Efesios 3:11

Ka lhamakho qaselha nak tep nak nane mota apeneskamo aklheianma apvalhok Eniapom Neten elanak hata, koka apeneskangkek kolhvave nak aniem'o Cristo Jesús Apveske engankok.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 1:1

Ko'o Pedro asto heiapaskama Jesucristo, nlhenkek evalhok ketlhengkap apkellelto apkellenteiapma apkellavakha apanke, apkelhpanmo nhan apkenmaiangko apkeliav'akha temma Ponto, Galacia, Capadocia, Asia kanhan Bitinia.

1 Juan 2:2

Apkaiangkave lhtoka apmatnamo hengeliaqmoiekha have vanlha ennengko'o nengelelto nak nengellanekamo mota ngkollatsekama, koka nhan ma'a aplhamakho apkellanekamo nak ngkollatsekama lhmankek ham.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Juan 3:2

Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.