Juan 11:42 - Nuevo Testamento Toba Maskoy

⁴² Asiave ko'o heiailhave mota lheiap, astek ko'o astakha nak askenmalhnongkoma kakpota meliaskamek aplhamakho enenlhet anak hengke'e apto lhta lheiap heiapaskama —lhta aptak Jesús.

Juan 11:42 Iomraidhean Croise

Juan 11:22

koka asiavek ko'o apkenmalhnengka la Eniapom Neten lheiap, etnehek apmak'o la etnehek —lhta ntak.

Juan 11:31

Apkelvetai'ak na lhta nhan ma'a apkellelto apkelpaiesekha av'alhok akientalhnema akteiapmo akpekhai'a María, ka apkelieplantamo lhta nhan ma'a. Atlheianmo lhna lhta apvalho'ok nkovenvakhak akieto metaimong alhva apietnemakha aphapak nialheng.

Juan 11:43

Ka apiennakteso lhta apvenekama Jesús, lhta aptak: —¡Lazaro, etiep ham! —lhta aptak.

Juan 12:11

Lhna lhta songke apkelieniekho apkelieplekama apanko'ok judios ma'a aniem'o meliaskeiakmok Jesús ma'a.

Juan 12:17

Koka apkellelto lhta apkelvetaiangko aplhatekhangveiam Lazaro, apteiapmo nhan ma'a nemakha akpekkanveianlha enghapak metaimong alhva, apkeleltennasengka lhta ania'a aplhamakho apkellelto apkelvaiam ma'a.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Juan 8:16

Koka asmak'o la atnek ma'a, atnek akietemo nkek alheianma aktemakha apkelanai'a ngkolatsekama nlho ka la aktaqmanma ngkanek heiaikamok asmopvana aliekpelkok ma'a Eniapom apto lhta heiapaskama.

Juan 8:29

Vanlha ko mota alhelhma Eniapom apto lhta heiapaskama ngkanek askelan'ak ko qaselha akleklemelha la apvalhok ma'a —lhta aptak Jesús ma'a.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.