Juan 10:31 - Nuevo Testamento Toba Maskoy

³¹ Apkellavke lhta apkelemhama apmaniaie judios apkelleng'o m'a, nketlhengkaske lhta elienhek metaimong Jesús ma'a.

Juan 10:31 Iomraidhean Croise

Juan 1:19

Apkelanma apmaniaie ko Jerusalen apkellapaso lhta sacerdotes kakpota nhan levitas kakpota elelmalhnengvomok Juan. Apkenmahai'a eliohok aptemakha m'a, ka apkatemmongka lhta iokhalhme kankek Juan ma'a, lhta aptak: —Have ko'o asto Cristo —lhta aptak.

Juan 10:24

Ka apkelvakhengvo'o lhta apkelemhama apmaniaie judios ma'a, lhta aptangkok apkellano: —¿Se lha aknem angeliangvomhok se lha enenlhet lheiap ke, he? Apto la lheiap Cristo, hengeleltennes kolhvave nak, meilhakpo koka —lhta aptangkok.

Juan 10:32

Koka lhta aptak Jesús apkellano: —Apkelvetai'ak ketlhengkap askellanai'a qaselha aktaqmanma aniem'o apmopvana Tata, ¿se lha ntak apkenmak'o nak hellaqhek, he? —lhta aptak.

Juan 11:8

Koka ma lhta nkonmak'ak enmeiakhak ma'a, lhta aptangkok ma'a: —Hengetlhekmoskama, apkenmak'a alhta ennapok judios lheiap ma'a, ¿apmak'a nlho eniakha apankek lheiap ma'a, he? —lhta aptangkok.

Juan 5:18

Apkellavke lhta apkelemhama apmaniaie judios ma'a, apkenmak'ave lhta ennapok Jesús ngkanek apmakmeiangka aknem sabado nennekhelha, aplhenakpe lhta nha apankek apto Eniapom Neten apketka, apnemo nhan Eniapom Neten.

Juan 8:59

Kolhvavek anke lhta apkenmangkok metaimong aliaqiema kakpota ennapok Jesús ma'a, koka aplhenengkasekpe lhta apankek apieseksek enenlhet'avok ma'a, aptepo nhan Eniapom Neten apnemakha.

Hechos 7:52

Mang nak nanek na eltaqmelkeskamak apkeleltennasemmap ania'a annenga apkelieihengka'a ketlhengkap, kakpota nhan apkennapeiangkek enenlhet aplheianma la ania'a apvai'a ta apto apeivomo. Netamen apvai'o hengke'e nenvanlha nak apto apeivomo panke, apkeltaknongvekhek na m'a, apkellaqhemo nhan ketlhengkap.