Juan 10:1 - Nuevo Testamento Toba Maskoy

¹ Lhta aptak mokhom Jesús: —Apkeliavek ketlhengkap apto la apmahai'a emenielhek nepkesek elietokhak nepkesek aplhankok anak.

Juan 10:1 Iomraidhean Croise

Juan 10:7

Lhta aptak mokhom Jesús: —Have niapak ankek ko'o asto atong apkelentalhnengvektanlha mota nepkesek.

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Romanos 10:15

Mamma ta nhan enenlhet emhangkok ma'a eleltennasama ania'a metko la nema apaskama. Ka ntemak na aktalhesammalhka Eniapom Neten apaivoma: «Ntasek anke ngkotnek ma'a apkelvo'o la apketsekama ania'a aktaqmanma», ka ntemak.

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Tito 1:11

Meniangko nkek lheiap etlhekmosangkok ma'a ngkanek aplhaniek apkeliennengkeskama aknema nak apkennemolhema, vanlha mota apteniaikamok patakkom ma'a.

Hebreos 5:4

Mankapvankek enenlhet eliekiesakpo panke kakpota emakmongvomok ma'a aktakmelakha la nenmakmekama aniem'o apmahai'a etnek apiav'akha sacerdote, Eniapom Neten koka apkeliekieskama apankek ma'a, ka aptemakha lhnak nanek apkelanei'o Aarón apkeliekieskamo m'a.

1 Pedro 1:10

Apkeleltennasemmap ania'a annenga apkelleliaikama lhnak nanek apkenmahai'a eliohok aklhenammalhka apmaniaie m'a, netamen apkeleltennaseiangke lhnak nanek enenlhet'avok ma'a nkovak hata qaselha metka akianmoma nema akpeneskamo, ka apketlhevaiangko nak ketlhengkap nenvanlha nak ma'a akvesai'a nak nenvongkasemmalhka tep.

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.