Juan 1:49 - Nuevo Testamento Toba Maskoy

⁴⁹ Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 1:49 Iomraidhean Croise

Marcos 15:32

Cristo kelha niekhe ha'e, etiepok hatelha apankek na neten iamet aktenneskama nak kakpota mangeliaskamek ennengko'o —lhna aptaiangkok apkelvannaiangka m'a. Apkelvannaikama lhnak na enenlhet lhek apqanet apkenmenielhma, nema aleklhanmo lhemek neten iamet aktenneskama Jesús ma'a.

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 19:38

Apkelvenekama lhnak akiennaktema nkek ma'a, lhnak aptaiangkok ma'a: —¡Nema aktaqmelkeskeskama apkaniemhaikama hengke'e apiav'akha Apveske na apto aplheiam apkapaskama Apveske! ¡Nengeltavek ngkoitek aktaqmelaikama lhma neten, nengai'o nhan ma'a neten! —lhna aptaiangkok ma'a.

Juan 1:34

Koka asvet'o lhta ko'o m'a, alheno nhan apto Eniapom Neten Apketka m'a —lhta aptak Juan ma'a.

Juan 1:38

Ka apengkakpo lhta Jesús neksa aplhengama m'a, apvet'o lhta apkelieplokmo m'a, lhta aptak: —¿Se pteniangko ie, he? —lhta aptak. —Hengetlhekmoskama, ¿ko la akieto apnemakha? —lhta aptangkok ma'a.

Juan 1:50

Koka lhna aptemak Jesús apkanemo: —¿Se kto mei'askakmok lheiap ke, he? ¿Aniem'o kelha nhan askeltennaskama lhkek asvetai'a koneng iamet higuera, he? Koka nkolhamongvomok hata qaselha akiemaskama apvalhok lheiap apvetai'a —lhna aptemak.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 4:31

Koka apkeltamesaikamok Jesús apkeliatengke lhta m'a, lhta aptangkok: —¡Etavekha apketse! —lhta aptangkok.