Juan 1:44 - Nuevo Testamento Toba Maskoy

⁴⁴ Ko Betsaida koka m'a Felipe, kanhan apkellavakha m'a Andres kakpota nhan Pedro.

Juan 1:44 Iomraidhean Croise

Marcos 3:18

Andres kakpota nhan Felipe, Bartolome, Mateo, Tomas, Santiago Alfeo apketka, Tadeo, Simon apto cananeo,

Marcos 6:45

Netamen apkeltemo lhnak Jesús elkanetvakha apkeltamesaikamok loma nemmen akiavai'a kakpota eliekak ma'a alvata, elvakhok na natemma Betsaida. Apnekhek noka Jesús ma'a nekha alvata kakpota elpaivesangkok enenlhet'avok ma'a.

Marcos 8:22

Netamen apkelvekho lhnak na temma Betsaida, apkeliantemekho lhnak metka apaqto'ok apnakha Jesús. Apkellapiosemmakpek nak apkeleltemo emangvomok Jesús ma'a.

Lucas 10:13

—¡Ketlhengka la ie' na temma Corazin kanhan Betsaida! Nlhanie niekhe ntak qaselha hempelapkeskama nema alanai'a hengke'e, koka mankoliaqmongkasekhak mo'ok av'alho'ok. Nlho lhta kno la alanengvakmo qaselha hempelapkeskama aiseksek anak ma'a na temma Tiro kakpota nhan Sidón, kolhvavek anke nlho lhta nkoliaqmongkasekhak mo'ok av'alho'ok ma'a. Kolentalhnekha nlho lhta nhan alentalhnema altavkeskama nak aiempeiok anmaiosak'a nak av'alho'ok anko'ok, kakpota nhan nkolelhpakhalhka takhalhet'ok tahap aniem'o anmaiosak'a av'alho'ok.

Lucas 6:14

Lhnak apkelvesai'a heng, Simon aptemeskasekho apvesai'a Pedro, kakpota nhan apialheng Andres. Jacobo, Juan, Felipe, Bartolome.

Lucas 9:10

Ka apkelvektamo lhnak mokhom apnakha Jesús apkelapaskamo m'a, apkeleltennaseiangka lhnak ania'a lhamakho aktemakha qaselha apkellanai'a. Ka apkeliantemekho lhnak Jesús natemma Betsaida m'a, apkeltemo lhnak elhek lheme' apkelvanlha apkeltamesaikamok ma'a.

Juan 1:43

Lhema aknem na ntemak akiekai'a m'a, Jesús apmahai'o lhnak eniakhak iokhalhma Galilea, apvetai'o lhnak Felipe m'a, lhna aptemak apkanemo: —¡Nok, heieplakha! —lhna aptemak.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 1:46

Ka apkatemmoiangka lhnak Natanael ma'a: —¡Ieee! Mankapvankek etiepok enenlhet apiamo la lhma m'a na temma Nazaret —lhna aptemak. Ka apkatemmoiangka lhnak Felipe m'a, lhna aptemak: —¡Elheng, nok kakpota etengvakha apankek lheiap! —lhna aptemak

Juan 1:48

Aplengai'ak nak Natanael ma'a, lhna aptemak: —¿Sek la kto heiekpelko nak lheiap ke, he? Ka apkatemmoiangka lhnak Jesús, lhna aptemak: —Asvet'ak lhek apno lheiap apiamposakpo koneng peskeska nkok iamet higuera, amanie apmahai'a lhkek niavama Felipe —lhna aptemak.

Juan 12:21

Ka apkeltetesko lhta Felipe m'a ko Betsaida lhta m'a akieto iokhalhma Galilea, lhta aptangkok apkellano: —Nengelmak'avek angelvetak Jesús —lhta aptangkok.

Juan 12:22

Ka apmeiakho Felipe apnakha Andres kakpota etnek aplhelhma eleliama Jesús, apkelvetakho lhta m'a, lhta aptangkok apkellano: —Griego lhkek apkelketamak lheiap —lhta aptangkok ma'a.

Juan 6:5

Ka apkammelho lhta Jesús ma'a, ma lhta ntek enenlhet apketlheiam ma'a, apkenmalhnengka lhta Jesús Felipe, lhta aptak: —¿Ko la angvetangvomok nenmama la nentoma m'a aptekamok la enenlhet anak ha'e he? —lhta aptak Jesús.

Juan 6:7

Ka apkatemmongka lhta Felipe, lhta aptak: —Nkaqhok anmakmama 7 pelten la'a akianmoma patakkom, mankovakhek kakpota angellangkok ketsek la pan enenlhet'avok anak —lhta aptak ma'a.

Hechos 1:13

Pedro lhnak m'a kakpota nhan Juan, Jacobo, Andres, Felipe, Tomas, Bartolome, Mateo, Jacobo Alfeo apketka, Simon apto celote kakpota nhan Judas Jacobo apketka. Ka apkelvekho lhnak apkakhaiangkolha m'a, apkelkanetvekho lhnak akieto neten pa'at ma'a.