Juan 1:14 - Nuevo Testamento Toba Maskoy

¹⁴ Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 1:14 Iomraidhean Croise

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Lucas 2:7

Mamma lhnoka nkakhengvomok apkakhaiangkolha la amaika'a kakpota nkotengkesek atka m'a, vanlha lhnak alvetangveiakmo aktoiangkelha nema aknaqtoskama. Ka apteiaiakmo lhnak ma'a apmanie pankek apteiam atka, akpelhketmo lhnak na ietamopai'a, akpekkanmo nhan konne aptoiangkolha nema aknaktoskama.

Lucas 9:32

Tenn nnak nkennapekama niekhe Pedro kanhan apketlhelhma'ak ma'a, nkaqhok koka apkelvetai'ak apkapommatema Jesús kanhan apketlhelhma'ak ma'a.

Juan 1:1

Tep nak nanek ampai'osekha apnengkek nak nanek ma'a Apaivoma. Apnengkek nak na napokha Eniapom Neten, apnemo pankek nak na m'a.

Juan 11:40

Ka apkatemmongka lhta Jesús ma'a, lhta aptak: —Askeltennasokha lhkek la lheia mangheiaskakmo la ko'o kakpota nkotak hata apmopvana Eniapom Neten —lhta aptak.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 14:9

Koka lhta aptak mokhom Jesús apkatemmongka: —Felipe, lhennenga ntak asnema apieseksek anak ketlhengkap, ¿mokhom anlho menheiekpelkema lheiap, he? Enenlhet apto la hetai'a ko'o, apvet'ak na Eniapom. ¿Se lha akto apkelto lhkek alvetaskesek Eniapom, he?

Juan 17:22

Askellangkek ko'o helieplekama nak asiennaktema ka heiaikamo lhta lheiap kakpota elpasmekhak ma'a, ka akto nak ennengko'o.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 2:11

Ka heng ampai'akhasekha lhta Jesús apkelanai'a qaselha mongenatkeskama kakpota elvetaskesek akietnema apmopvana. Ma lhta eliaskakmok apkeltamesaikamok ma'a.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Juan 3:18

Meliaskakmo la Eniapom Neten Apketka m'a, mangkolhek hata atlheno apketselhnanemmap ma'a. Koka nnak atlheno m'a aptangko apketselhnanemmap apkellelto la apkeliaskeiam ma'a. Ngkanek apvai'o nak apto lhema aphapak apankek Eniapom Neten Apketka. Apto nhan malha apommatema atsaskeskama lhma, mang koka eleliehekhok ma'a. Koka apteniaiangkok ma'a ienaqtesakha lhma nak ngkanek apkellaneiangkek qaselha ngkollatsekama m'a.

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Juan 8:32

Apkeliekpelkavek hata nkek na akto have niapak anke nak, nkolpaqnengkasekhak hata m'a anmaikamok maniamolhma —lhta aptak.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

2 Corintios 12:9

koka heiatemmoma lhta Apveske, lhta aptak: —¡Nietnek askameliam lheiap, vanlha ham! Nkanek asmopvana niennakteskek lheiap neksa meiennaktema la'a —lhta aptak Apveske heiano m'a. Ka nkanek anmalhko mota evalhok neksa moiennaktema nkanek Cristo heiangkok apmopvana kakpota aiephongvomhok neksa akvai'a la akientalhnema.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Colosenses 1:19

Apkeltave lhta Eniapom Neten ngkoitek apmopvana apankok ma'a Cristo,

Colosenses 2:3

apto akietnema m'a akiavai'a nak nenianveiakmoho, neniekpelkemo nhan kakpota hengellangkok ma'a.

Colosenses 2:9

Ka apiokha nak Cristo apnek ma'a Eniapom Neten apiokho panke nak,

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 1:5

Mang nak nanek na etnemak enianak Eniapom Neten lhema aphapak la ángel hengke'e: «Lheiap apto eietka, astepkeskama lheiap aknem anak», mang nak nanek etnemak ma'a. Mang nak nanek na etnemak mokhom hengke'e: «Atnek hata apiapom ha'e, atnek hata eietka ha'e», man nak etnemak ma'a.

Hebreos 10:5

Ka ngkanek Cristo aptemo lhta mota aplheianma neksa apvai'a lhta hengke'e nalhepop anak, lhta aptemak: «Meltemok lheiap ellangkok apnaqtoskama apkennapekamok enenlhet kanhan qaselha nengaikamok anak, vanlha koka apkeltemo allangkok asiokha nak.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Hebreos 5:5

Cristo nhan meliekiesammakpok apankok apankek la'a kakpota etnek apiav'akha sacerdote, Eniapom Neten koka apkaikamok ma'a aktakmelakha apmakmekama, lhna aptemak apkanemo: «Lheiap apto eietka, astepkeskama ehenkek aknem anak», lhna aptemak.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

1 Juan 4:9

Hengelvetaskaske ennengko'o hengamelaiam Eniapom Neten, apkapaskamo lhta apketka vanlha apankek lhema nalhepop anak kakpota angelloka mota aniem'o m'a.

2 Juan 1:7

Ka ngkanek ko'o asto lhkek askellano, mantek hengeliennengkeskama niapma'ak apkenmaikamok lhmankek ham, mankonmak'ak na etlhenek apvai'o Jesucristo hengke'e, aptaiekho nhan enenlhet apanke'. ¡Hengeliennengkeskama niapma'ak ma'a, apkellammelhma nhan Cristo!

Apocalipsis 19:13

Aptalhnema lhtoka malha nema aklavkeskama la ema apielhvasekho nhan, apvesai'a koka m'a Apaivoma Eniapom Neten.

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.