Hechos 1:2 - Nuevo Testamento Toba Maskoy

² akvakmo m'a aknem aknemo akiantemekho lhnak neten. Koka amanie lhnak ma'a apkellaiangko lhema apaivoma apkellanemakha etnangkok aniem'o Espíritu Santo apkellelto lhnak ma'a apkelikieskama apkelapaskamo apankok.

Hechos 1:2 Iomraidhean Croise

Marcos 6:30

Netamen ma'a apkelvektamo lhnak mokhom apkelapaskamo apnakha Jesús ma'a, apkeleltennaseiangka lhnak lhamakho aktemakha qaselha apkellanai'a.

Lucas 24:51

Neksa apkeltaqmelkeskeskama apkellangiemhaikama, apkaklheiangko lhnak tep atketsek Jesús ma'a, ka aknemo lhnak akiasekho neten.

Lucas 9:51

Ketsek nak nkaimommalhka aknem apmeiekhelha' neten Jesús ma'a, apmeiekhek noka apankek ma'a Jerusalen metka apkai'a.

Juan 1:16

Apmaikama lhnak Eniapom Neten Moises kakpota hengellangkok na ley apankok. Apmaikama koka nhan Jesucristo kakpota hengelvetaskesek hengamelaiam kakpota nhan apto have niapak ankek. Mamma enenlhet apvetai'o Eniapom Neten, vanlha koka apto Apketka apankek apvetai'o m'a. Apto nhan nengaqtek ankek ma'a, apnemo apankek na m'a. Hengetlhekmoskangke lhta nhan aptemakha Eniapom, avanhek anke lhta nhan hengeltaqmelkeskeskama nellaniemhaikama m'a.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?

Juan 6:70

Koka lhta aptak Jesús: —Ko'o lhta askeliekieskama 12 nak ketlhengkap, koka apnek lhema apieseksek malha aveske keliaqhameio —lhta aptak Jesús ma'a.

Hechos 1:11

—Enenlhet'avok ko Galilea, moliemes apvalho'ok aktakha nak nema akiantemekha neten Jesús, hata ngkotnek na apkelhiakmo ta mokhom —lhna aptaiangkok ma'a.

Hechos 1:13

Pedro lhnak m'a kakpota nhan Juan, Jacobo, Andres, Felipe, Tomas, Bartolome, Mateo, Jacobo Alfeo apketka, Simon apto celote kakpota nhan Judas Jacobo apketka. Ka apkelvekho lhnak apkakhaiangkolha m'a, apkelkanetvekho lhnak akieto neten pa'at ma'a.

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 1:9

Apkelvetai'o lhnak akpelapkeskama nkek nema akiantemekha neten Jesús ma'a akvakho lhna ntemak allapakho iephopai'a m'a. Nkelpelapkeskangkek nak na apkelenteiapvei'o apqanet enenlhet napaqtavek ma'a, apkenmopai'a lhnak apkelentalhnema m'a, lhna aptaiangkok:

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Hebreos 9:24

Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 2:11

—¡Eltaqmelkaso no apkellailhemo apaiko'ok anak apmak'akha etnek aplheianma Espíritu aplhamakho apanke nak iglesias!: "Apkellelto ta apkeliephongveiakmo m'a, mmaskek akto hanet aknaqtevasekha nengetsepma m'a", lhta aptak Espíritu.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 2:29

—¡Eltaqmelkaso no apkellailhemo apaiko'ok anak aktakha aplheianma Espíritu aklhamakho nke nak iglesias!

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 21:14

Ka akhalhtemommalhka lhta m'a nnangke lhta aliennakteskama 12 metaimong aliavai'a koneng, nnangke lhta nhan ma'a moklhem'a alelqasemmalhka apkelveskai'e 12 apkelapaskamo pankok alhta Nepkesek Apketkok.

Apocalipsis 3:13

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho panke nak iglesias! —lhta aptak Espíritu.

Apocalipsis 3:16

Koka iama apmokhetma lheiap, ka ngkanek malha asieklhek hata atnek ko ehetong anak lheiap.

Apocalipsis 3:22

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho apanke nak iglesias!