Hebreos 1:1 - Nuevo Testamento Toba Maskoy

¹ Lhennenga lhnak nanek Eniapom Neten apkeltakhengveskekho mota apkeleltennaskamo nelieihengka'a lhamakho aktemakha aniem'o nhan apkenmaikama apkeleltennaskamo ania'a apankok kakpota etlhenek ma'a.

Hebreos 1:1 Iomraidhean Croise

Lucas 1:55

Apeneskamavek nak na nek apkeltennaskama Eniapom Neten elpasmok nengelieihengka'a Abraham, kakpota nhan aplhamakho aptavana'ak neptamen —lhna ntemak María m'a.

Lucas 1:72

Apkelietnai'avek nak nanek na napaqta'a m'a nelieihengka, mang nak nanek na nkomahai'ak elvangkamok annemo mo'ok apvalho'ok apkenmahai'akha etnangkok ma'a.

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

Juan 9:29

Nengeliavek ennengko'o apakmetkeskangkek nak nanek Eniapom Neten Moises, koka mangeliohok ko la apkeniem'akha enenlhet anak ma'a —lhna lhta aptaiangkok.

Hechos 13:32

Apkeleltennaskangkek nak nanek Eniapom Neten lhema apaivoma nelieihengka ngkotnek hata, koka melvetaiangkok ma'a. Ennengko'o koka nelvetai'ak, nenmak'ak na angelleltennaksek napaqtavek ketlhengkap ania'a aktaqmanma nak Eniapom Neten aktemakha aplhatekhaskeiam apieseksek apkenmaskengvaiakmo Jesús, aktemakha lhnak nanek na aktalhesammalhka vakkahak Salmos 2, ntemak hengke'e: «Lheiap apto eietka, ko'o heieniemai'a astepkeskama kolhvave nak».

Hechos 2:30

Apkeltennasemmap ania'a lhnak na nek David ma'a, Eniapom Neten apkeltennaskangkek nak na nek lhema apaivoma juramento etnekhak hata apiav'akha apveske aptaven neptamen.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

Hebreos 11:18

ellangkok hata apketkak apkelleniem'o m'a Isaak.

Hebreos 11:2

Aktemakha lhnak nanek na meliaskeiakmo nelieihengka'a m'a, nleklemavek nak nanek apvalhok Eniapom Neten apkelvetai'o m'a.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.

Hebreos 3:5

Moises nak na apto nema asennaikama apiamolhma, apkeltakmelkeskamo lhnak na Eniapom Neten apnemakha, apkelvetaskeskamo lhnak na lhamakho qaselha aktemakha apkelanai'a napaqtavek ma'a, nkolhok hata nhan akvai'a qaselha apmaniaie m'a apmak'akha ta etnek Eniapom Neten.

Hebreos 4:8

Mang nak nane nkomopvanak Josue elentalhneksek enenlhet'avok ko israelitas iokhalhma neniamposammalhkelha alheno lhkek, ka nkeniemai'ak aplheianmo mokhom Eniapom Neten mo'ok aknem hata kakpota elentelhek ma'a, mankolhok ma'a aknem aplheianmo lhnak nanek sekhe lhta.

Hebreos 5:5

Cristo nhan meliekiesammakpok apankok apankek la'a kakpota etnek apiav'akha sacerdote, Eniapom Neten koka apkaikamok ma'a aktakmelakha apmakmekama, lhna aptemak apkanemo: «Lheiap apto eietka, astepkeskama ehenkek aknem anak», lhna aptemak.

Hebreos 9:19

Lhnak nanek na aptemak Moises aplheianmo ley allanemakha etnangkok apieseksek apkennemolhema, netamen apmamo lhnak nanek na lana apielhvasema kanhan lhema iamet aktong atkok akvesai'a hisopo, aplavkeskamo konne valde ema apankok toro apketkok kanhan ieta'ai apkenno, iemmen nema angkaiekha m'a. Netamen apkelhpakhaiangka nhan vakkahak henganemakha, kanhan apkelhpaqhaiangka takhaplhet'ok aplhamakho apkennemolhema,