Galatas 6:2 - Nuevo Testamento Toba Maskoy

² Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

Galatas 6:2 Iomraidhean Croise

Lucas 11:46

Ka apkatemmoiangka lhnak na Jesús: —¡Ketlhengkap la ie hengetlhekmoskama ley Moises! Apkellanei'a mota henganemakha akientalhnema angeliehekhok, koka meleliehekhok ketlhengkap ma'a, melteniaiangkok apiempeiok ketsek la'a elieplavkesek ma'a.

Juan 13:34

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap.

Juan 15:12

Ka ntak na henganemakha ehenkok ko'o aspaioma, ¡ellasekhakpo ta mota apieseksek ketlhengkap, ka astemakha nak ko'o askellasekhai'o ketlhengkap!

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 9:21

Koka asno la apieseksek metnangko nak judios apkellelto nak metka ley Moises, astemengkek na aptaiangkolha m'a kakpota enmankok na takha askeltennaikama. Vanlha mota askeliehekho ley apankok Eniapom Neten, nnavek na ley apankok anak Cristo m'a.

Galatas 6:5

ngkanek moklhem'a nnankek metka apkeliekaskama elpatmekhak malha apkelpatmekama.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

Santiago 1:25

Koka aktakmelakho nkek enenlhet anak metka apkelvangkaiam aktakha la apkailhemo, apsekho nhan alketamekama apvalhok aktakha aklheianma ley Eniapom Neten akto akiokho nkek aktaqmanma m'a, akmovana nkolvongkesek tep apkellelto nak apkelleliehekho mota m'a.

Santiago 2:12

Ka ngkanek ntasek ellangko mota aktaqmanma apaivoma po'ok ketlhengkap, kanhan eltaqmelkasakpoho ngkanek ngkolhek hata aliekpelkok ketlhengkap ma'a aniem'o ley akmovana hengel·hatsoskasangkok ngkollatsekama.

Santiago 2:8

Ntasek apkelleliahakho la'a ketlhengkap ley akto neten anke akiaspommalhka akietno nak ma'a vakkahak Eniapom Neten apaivoma, ka ntemak hengke'e: «Eniasekho po'ok ka kto nak apkasekhammakpo panke nak lheiap».

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

2 Pedro 2:21

Apkeliangveiakme lhta niekhe amai anak akpeivomo, koka netamen apkelieniekhek ma'a, meleliehekho nhan henganemakha aktaqmelo allanemakha etnangko niekhe m'a, ntase lhta niekhe meliangvomhe' amai anak ma'a.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

1 Juan 4:21

Apkanemakha antangkok Jesucristo hengke'e: Enenlhet apto la apkasekhai'o Eniapom Neten, nkaimelhkek na eniasekhok enialheng la'a.