Galatas 6:1 - Nuevo Testamento Toba Maskoy

¹ Ketlhengkap elialheng'a apkellelto apkenmaikama Espíritu, ntasek ennavakse mota po'ok apkellan'o la qaselha ngkollatsekama, koka have apkeliennai'oho. ¡Ellaho ta nhan ketlhengkap ngkotnek kelha apkeliepkonammap nahan!

Galatas 6:1 Iomraidhean Croise

Romanos 14:1

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

Romanos 8:6

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

1 Corintios 10:12

Niekhe enenlhet mankolheianma nak apvalhok metieme, ¡eniaho toka m'a, etiemok kelha nhan lheiap!

1 Corintios 14:37

Aptek hata nkek lhema aphapak la aplhenammakpo pankek apto apkeltennasemmap ania'a, apto nhan apkeliehekho Espíritu apankok Eniapom Neten, ntasek eihangvakho mota aktemakha asketlhekmoskama nak aniem'o Apveske engankok henganemakha apankok.

1 Corintios 2:15

Apkellelto nak aknaikamok Espíritu apankok Eniapom Neten, apvanka'ak nkotlhenek apvalho'ok qaselha altakmelakha la'a, ngkolatsenkolha la'a, koka enenlhet'avok apankave nak mankollapvankek etlhenek apketselhnanemmap aknaikamo nak Espíritu.

1 Corintios 3:1

Ketlhengkap elialheng'a, ka asnemo lhta apieseksek anak ketlhengkap ham, asmak'a lhta niekhe atnek atlhekmoksek aktemakha nak angetlhekmoksek alvanekamo nak apvalho'ok, koka ma lhta amopvanak ma'a ngkanek mankolvanemok mokhom apvalhok, mankoliehek aptemakha nak Cristo. Malha lhta nematka

1 Corintios 4:21

¿Ko la apkeleltakha atnek asvaktamo ta ham apieseksek anak ketlhengkap, he. Aliamenvata, nlho ka allasekho kanhan nalhepek evalhok, he?

1 Corintios 7:5

Ka ngkanek mangkolatsema nkoihengekhak nkolpathetalhkak ma'a, koka ntasek ma'a mankolpathetalhkek akiakvatakho kakpota nkolpaqmetkese mota Eniapom Neten, koka netamen ma'a ntasek nkolpathetalhkak lhemek mokhom kakpota mankovhek akiepkonma Satanas aniem'o mankolpathetammalhka atava.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 2:7

Kolhva koka ntasek eltemeskesama apankavek meihamolhma m'a, elpaieskeskamok na apvalhok kakpota nkomaskok akiavekamok akiaqhapma akmaiose apvalhok ma'a.

2 Corintios 2:8

Hai, askapiosema askeleltemo eltaqmelkeskesek apkaniemhaikama m'a kakpota etak apkellasekhai'o ketlhengkap ma'a.

Galatas 5:23

metka nenientalhnesammalhko, nenmopvana annavaksek engvalhok ¡Mamma nhan ammelhma la ley lhamakho nak, akpasmekha koka!

Galatas 6:18

Ketlhengkap elialheng'a, askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham. Amen.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

2 Tesalonicenses 3:15

Koka mellammelhankek na m'a, ntasek koka ennavaksek ma'a metka apkelpalhengkasekama, malha aktonak apkelialheng'a apankavek la'a.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

Hebreos 12:13

Ellanamok hata nhan malha amai akpeivomo, metka aliekvatekamok la'a kakpota anmaska la apmanko'ok mankolaskesangkek hata apmanko'ok ma'a, nkoltaqmelekhak hata nhan apmanko'ok ma'a.

Hebreos 13:3

Elpasem hata nhan aplhatmommap anak kakpota nhan metka nak ngkolhek altakmelkaso, ketlhengkap hatelha nhan ngkotnek ma'a.

Santiago 3:13

Apno la lhema enenlhet apieseksek anak ketlhengkap aklheianma mota apvalhok apkanema eihok lhamakho qaselha, ntasek elvetaskesek ma'a nkotalhkak na apkelanai'a qaselha altaqmelo akieplomo koka nhan nalhepek apvalhok aniem'o aknema apiamo.

Santiago 3:2

Ngkolatsekama mota nempaivoma nelanei'o emmo'ok, koka apto la enenlhet metka aptevaskama apvesai'a po'ok, niennakke songkek apvalhok ma'a, apmopvana nhan emankok apiokha apanko ie kakpota melaniek qaselha akmasoma.

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.

1 Juan 5:16

Hata apkelvet'o ta lhema enialheng apkelanai'a ngkolatsekama nkotno nak hengaqhemo, elelmalhneskes hata Eniapom Neten kakpota eniangkok akiennaktema apneniek ma'a. Koka nietnek na ngkolatsekama akmovana hengaqhek, koka skanek ko'o ntasek melelmalhneskes ankek ma'a apkelvet'o ta apkelan'o la lhema enialheng.