Galatas 5:2 - Nuevo Testamento Toba Maskoy

² Ko'o Pablo ka stak ko askellano mankaimelhkak etnangkok eliaqtemenek nekha tkok apkellammelhakha ketlhengkap apkeltemakha na mota m'a judios, ka aptangko la ketlhengkap ma'a, malha akhemo ngkotnek Cristo apkeltemeskeskama lhta ketlhengkap.

Galatas 5:2 Iomraidhean Croise

Hechos 15:1

Apkelvai'ak nak judios apkelleniem'o iokhalhma Judea akieto Antioquia, ka apketlhekmoseiangko lhnak apkelialheng'a melvongkasakpek tep meliaqtemenangko la nekha tkok apkelammelhakha, aptemakha lhnak nanek Moises apkellanemakha etnangkok.

Hechos 15:24

Nelleng'ak ennengko'o ania'a moklhem'a nennemolhema apkenmeioiam ham apketsoiam mokhom ngkolatsekama apketlhekmosekamok kakpota nkoltemeskesek meliamo apkelieplavkesakha ketlhengkap ham, koka have ennengko'o nellapaskama ham.

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

1 Corintios 16:21

Ko'o nhan smak'ak nkolhenek evalhok ketlhengkap ham, astalheskama ehenkek koka.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

Galatas 5:11

Elialheng'a, nlho lhta askeleltennasengka la eliaqtemenek nekha tkok apkellammelhakha ketlhengkap, manghemenlhenama nlho lhta judios, melleve nlho lhta nhan hellanhoho alheno la ania'a aktemakha iamet aktenneskama.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

1 Tesalonicenses 2:18

Nenmak'a lhta niekhe angelelhiemok apieseksek anak ketlhengkap ham, ko'o Pablo nlhanie ntemak askelienlhaneiam asmahai'a niekhe angvelhiemok ham, koka Satanas mangkoltemoho.

Filemon 1:19

Ko'o Pablo ai'anmongkesek hata, have niapak ankek astakha anak, astalheskaskek akieplomo firma ehenkok vakkahak anak. Koka ntasek kelha niekhe manghenmalhnama akianmoma ngkanek lhamakho qaselha apanko'ok anak alleniem'o aspasmoma lhta mota ko'o.

Hebreos 4:2

Nnengke lhta hengeleltennaskamo ennengko'o ania'a aktaqmanma nak, ka ntemak na nelieihengka'a m'a apkellengai'ak nahan, aqhemo koka ntemak ngkanek apkeliaskeiakme lhta m'a ania'a nak.