Galatas 5:11 - Nuevo Testamento Toba Maskoy

¹¹ Elialheng'a, nlho lhta askeleltennasengka la eliaqtemenek nekha tkok apkellammelhakha ketlhengkap, manghemenlhenama nlho lhta judios, melleve nlho lhta nhan hellanhoho alheno la ania'a aktemakha iamet aktenneskama.

Galatas 5:11 Iomraidhean Croise

Hechos 16:3

Ka apmahai'o lhnak Pablo eiantemok neksa aplhengama m'a, koka amanie lhnoka apkeltemak ngkolhek akiaqtemenkaso nekha tkok apkammelhakha m'a kakpota enmankok takha m'a judios apkelvanlha la'a ngkanek aplhamakho apkeliamavek apto apiapom griego m'a.

Hechos 21:21

Koka apkellengai'ak na ania'a aktemakha apketlhekmoskama lheiap ma'a judios apankave nak apkakhangko m'a apieseksek metnangko nak judios, aplheianveiakmo lhna lhta lheiap ntasek elieniekhak ley Moises anak, ntasek na lhta nhan elieniekhak aptaiangkolha nak apkeltemeskesaikamok apkeliaqtemenkeskama nekha tkok apkellammelhakha apketkak, kakpota nhan ntasek na lhta nhan elieniekhak nentaiangkolha nak ennengko'o hengke'e judios.

Hechos 21:28

Ngkelpaihema lhta nhan apatno'ok, lhta aptangkok ma'a: —Enenlhet ko Israel, hengelvanengvata kakpota ampathetek enenlhet anak, malha apmaiangko lhma apketlhekmoseiangko lhamakho apkellavakha apkammelhekhek na nengavakha nak, ley engankok nahan, kakpota nhan Eniapom Neten apnemakha nak hengke'e. Apkellentalhneska'ak na griegos hengke'e, mangeltammalhkelha nak antangkok, aptevaskek na akto pa'at akpokkenammalhka nak —lhta aptangkok enenlhet'avok ma'a.

1 Corintios 1:18

Ka ania'a nak aplhenammap apketsepma Cristo neten iamet aktenneskama, nietnek akmovana aniem'o Eniapom Neten apieseksek apkellelto ta apkelvonkasemmap tep, koka apkellanengkek aktaikama nkek ma'a apkellelto ta apkenmaikamok akieto nenmaskengvaianlha.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 15:30

Metko la nenlhatekhangveiam neksa nengetsepma, akhemo ngkotnek nellengaiangko mota akientalhnema neksa neleltennaikama ania'a aktaqmanma nak.

Galatas 2:3

Nkellekave lhta apvalho'ok ma'a asmakmekama, metka helammelhma m'a, kanhan ma lhta elleltok na ngkolhek akiaqtemenkaso nekha atkok aiempehek apkammelhakha Tito ngkanek apto lhta griego m'a, aptaiangkolha lhta mota m'a judios apankave'.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 4:29

Nematka apto lhnak nanek apteiam anmahai'elha nkek ngkana'ak, apiaqmasekama lhnak nanek ma'a nematka apto apteiam Espíritu, nnavek nenvanlha nak.

Galatas 6:12

Ka enenlhet'avok apkenmahai'o lhta eliatangkok ketlhengkap eliaqtemenkeskesek nekhatkok apkellammelhakha, vanlha koka apkeleltemo nkollekok apvalho'ok enenlhet, mankonmahai'ak ellengangkok akientalhnema neksa apketlheianma ania'a apketsepma lhta neten iamet aktenneskama Cristo m'a.

Galatas 6:17

Koka kolhvave nak moltok ngkolhek heliasolhma, mantek ko'o eskepok ehenkok eiempek ma'a aniem'o aslengaiangko sekhe lhta akientalhnema aspasmekha apveske Jesús.