Galatas 5:10 - Nuevo Testamento Toba Maskoy

¹⁰ Asiave ko'o Apveske ta elpasmok ketlhengkap kakpota mangkotnek mo'ok aktema aklhenaikama apvalho'ok astemakha ko'o. Koka apto la enenlhet apkeliasekamo mota lhma ketlhengkap, ngkolhek hata akiaqmongkaskesakho aptemakha m'a akmak'akha la nkoietoho.

Galatas 5:10 Iomraidhean Croise

Hechos 15:24

Nelleng'ak ennengko'o ania'a moklhem'a nennemolhema apkenmeioiam ham apketsoiam mokhom ngkolatsekama apketlhekmosekamok kakpota nkoltemeskesek meliamo apkelieplavkesakha ketlhengkap ham, koka have ennengko'o nellapaskama ham.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

2 Corintios 1:15

Ka nkanek mankotnama evalhok astaienta la amaika'a mokhom ham kakpota nkotnek hanet aktaiekho altakmelekha apvalho'ok ketlhengkap ham.

2 Corintios 10:6

Nellanakhek ennengko'o nentangkolha kakpota angeliaqmongkaskesekhak hata m'a aptaiangkolha apkellelto nak meleliehekhok, koka amanie nkek sekhek nkaimelhkek ketlhengkap eleliehekhok akiokho nkoie.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

2 Corintios 2:6

Apkeliaqmongkaskesekhek koka ketlhengkap aptemakha m'a enenlhet alhta, metka toka mokhom aptaikokha m'a.

2 Corintios 5:16

Lhennenga lhta nhan ennengko'o nketlheianmek engelvalho'ok malha aktonak enenlhet apkeliaskeiam anak Cristo, kolhva koka nenvanlha nak mmaskek ma'a, kolhva koka nketlhenkek engelvalho'ok apkeltemakha la antangkok Eniapom Neten.

2 Corintios 7:16

Avanhek ko'o nhan akpaihekha evalhok nkanek avanhek moliaskeiam ketlhengkap.

2 Corintios 8:22

Asmak'ak na angvapaksek po'ok enialheng eltek na apketlhelhma'ak ham, apto nhan apmahai'o mota epasmok po'ok, avanhek na apmahai'a elpasmok ketlhengkap ham, mang na lhta eliaskeiakmok aptemakha ketlhengkap ham.

Galatas 1:7

Vanlha koka niekhe lhema ania'a aktaqmanma akto haveniapak anke, koka moklhem'a enenlhet apkeleltavek eliasangkolhma ketlhengkap, eliaqmongkaskesekhak na mo'ok aktemakha ania'a, have ania'a aniem'o m'a Cristo.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Galatas 2:6

Koka apkelientalhnakha apkelemhama apmaniaie nemo allai'o, ma lhta elleltok aiaqmongkasekhak mo'ok asketlhekmoskama, nkaqhok koka nema allai'akha la enenlhet'avok apkelemhama apmaniaie m'a ngkanek nennemo emmo'ok napaqtek Eniapom Neten.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 4:11

¡Ntaikama evalhok malha aqhemo ntemak akientalhnema alhta asketlhekmosekamok ham!

Galatas 4:17

¡Ellaho ta ketlhengkap enenlhet'avok apkenmahai'a nak eliennengkesek! Malha niekhe apkenmahai'o pankek la elpasmok ma'a, vanlha koka apkeleltemo hengelienieskasekhak ketlhengkap ma'a, elieplakhak na apketlhekmosekamok ma'a.

Galatas 4:20

Avanhe skeltemo mota alhek niekhe ham kakpota alpaqmetkesama metka askeliennai'oho, niemaskangkek koka evalhok aslengai'o ania'a apkeltemakha ketlhengkap.

Galatas 5:12

¡Nkaimelhkek kelha ngkolhek aksavheso nema aliaqtemenkeskama apkammelhakha m'a apkellelto apkeliasekamo lhma ketlhengkap ham!

Galatas 5:7

Apkelieplavke lhta ketlhengkap malha amai aktaqmanma ¿Se lhta aliaseiangko lhma m'a kakpota elvatesangkok, he?

Galatas 6:17

Koka kolhvave nak moltok ngkolhek heliasolhma, mantek ko'o eskepok ehenkok eiempek ma'a aniem'o aslengaiangko sekhe lhta akientalhnema aspasmekha apveske Jesús.

Filipenses 3:15

Hai, nengelelto la aliennaktema mongeliaskeiam ntasek hata nkotnangkok atlhenaikama engelvalho'ok ma'a astakha lhkek alheianma, koka napokha enenlhet nketlhenkek apvalho'ok mok aktemakha m'a, Eniapom Neten hato ka elvetaskesek lhema qaselha alhnakho nkek ma'a.

2 Tesalonicenses 3:4

Nengeliavek ennengko'o ketlhengkap apkelleliahakhave mota nengetlhekmosekamo lhta, etlhengkesek hata nhan mokhom ma'a nengetlhekmosekamo lhta aniem'o Apveske engankok.

1 Timoteo 1:20

Ka aktonak ma'a apieseksek anak Himeneo kakpota nhan Alejandro, askangkongvakme lhta m'a Satanas kakpota melammelhek mokhom Eniapom Neten apvesai'a.

Filemon 1:21

Astalheskaskek ko'o lheiap asiavek heliehekhok hata, neten ankek hata etnek lheiap apkellanai'a qaselha askeltakha nak etnehek.